شاعرنا الخامس
وهو فيصل بن عبد الرحمن اللويش
بدأ بهذه القصيدة الوطنية .. حيث قال :
[poem=font="Tahoma,4,white,normal,normal" bkcolor="black" bkimage="" border="outset,4,gray" type=2 line=0 align=center use=ex num="0,black"]
شمختي يالسعودية شموخ كلٍ يهابه = رقت فينا شموخ ٍ للعلا وحنا رقينابه
وصلنا بعزها لاعلى مراتب شعب ودوله = عشقناها يموت القلب في حبه ويحيابه
بلادي قطعتٍ منا وعرقٍ نابض فينا = بلادي خير للي عاشها وللخير بوابه
رقينا بظل ابو فيصل سلال المجد عزتنا = تبعنا اللي سبقنا ولا تخلفنا عن ركابه
فهد خادم بيوت الله ملكنا الشامخ الغالي = شجاع ما التفت ماهمه الحاقد واذنابه
حليم مؤمن صادق كريم طيب لشعبه = رسم خطه سياسيه صناعيه واوفابه
وعبد الله ولي عهده تشوف الحر بعيونه = قِطامـِيّ ٍ سليل المجد والطيب يتحلابه
عيال للامام اللي رفع بالدين رايتنا = وجمعنا ووحدنا عسى الرضوان بترابه
ابو تركي جمعنا وكبر وصلى وصلينا = وكبرنا وصلينا على القبلة بمحرابه
وسلمنا وسِلمنا من الشتات اللي يضعفنا = وعشنا كلنا بأمن وتركنا منهج الغابه
سعودي يا وطن عشقه وطن والحب من طبعه = يعادي من يعادي تربته أو ذرة ترابه
انا هذا الوطن عرضي وهان اللي نسى عرضه = ولا هان الوطن دونه رجال تفتل شنابه
نثرتك يا وطن عرضه نثرتك سامري ودحه = نثرتك غيمة تنثر مطرها والوله جابه
وعشتك يا وطن أمن وأمان وفلة حجاج = وغيرك يا وطن غيرك ترا سرقات ونهابه
وحكام الوطن منا وفينا والوطن واحد = وحنا ان صارت الازمة تعاونا على ما به
حكومة وشعب يدين لجسم واحد منا = ويدري من بغى يخرب ترى للموت طلابه
ومن عاف الفساد بدارنا ويتم بعض ناسه = كذب في مبدأه ووجهة نظره وعرة اسبابه
ترى المسلم محرم دمه وعرضه وما يملك = على المسلم وهذا قطع المسلم بمخلابه
ومن جانا معاهد عامل يدخل على الذمه = أمان الكل من جانا وأمان الكل اقرابه
وطيبوا يا رجال الامن خاب اللي تحداكم = سيوف الحق وقفتكم تثلم كل انيابه
ترى الاسلام اكبر وارفع برايه واهدافه = من اللي يدعون الدين نصابه وكذابه
فهدنا كلنا فهود وفهدنا قايد الامة = فهدنا لابتك شعب وحكومة كلنا لابه
لك الله يا امام ثابت دينه ومنهاجه = امام من هل العوجه شجاع دينه زهابه
غرسنا بكل من يدرس كتاب الله والسنه = وحب الله ورسول الله واسلامٍ تقوابه
وحب اللي تولى امرنا بالسمع والطاعه = رجال ما نهاب الموت فنجال نتقهوابه
على هذا الوطن عاش الرسول مصلي فرضه = وعلى هذا الوطن جا محكم التنزيل بكتابه
ولا توقف قوافلنا كلاب الحقد نباحه = تسير القافله نحو العلا لو تنبح كلابه
سعودي يا وطن عشقه وطن والحب من طبعه = يعادي من يعادي تريته او ذرة ترابه
انا هذا الوطن عرضي وهان اللي نسى عرضه = ولا هان الوطن دونه رجال تفتل شنابه[/poem]
[rams]http://www.alraidiah.com/omsua/faisal-erhab.rm[/rams]
المواضيع المتشابهه
العرض العادي
