((( بكمل لك كلامي وتكفى .. لاتقاطعني )))

[فـتـــــــــون]

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يعيش الحب شي عادي يموت الحب وش يعني
مدام قلوبنا ماتت مشاعرها وهــي حــيــه

أحسب الحب لاجيته على كيفه يطاوعني
مغفل من يعيش بهالزمن أحلام ورديه

من أول ماعرفتك تعطي أحساسك و تمنعني
وأقول تمون يانبع الحلا والحب حنيه

كثر ماكنت تكذب في كلامك كنت تقنعني
دليل أني على كثر الجفا سلمتك أيديه

عشاني قلت لك مابدخل هالجو طلعني
تروح وتاخذ الدنيا معك وتقطع الجيه

مع أني قلت لك أذا ماطاوعك الوقت الردي طعني
وأذا ماجيتني كلك تعال شويه شويه

لك الله يوم اجي مشتاق لك والشوق يدفعني
كأني رايحٍ للموت بيديني ورجليه

وأعرف أن مر في بالك تولعني .. تولعني
مدامه شي في بالك تجيبه ميه بالميه

وصلت لمرحله حتى الشعور العذب يخدعني
أحس أني على النيه وأنا فعلاً على النيه

بكمل لك كلامي وتكفى .. لاتقاطعني
بقى جمر الكلام ودمعةٍ بالعين مخفيه

أمانه قبل أروح وينتهي كل شي طالعني
عشان تعرف وش معنى العطا .. قبل الأنانيه

أبرحل والطريق اللي يوديني مايرجعني
يغنيني عن هوى حبك وطاريه

خذ الباب بطريقك والعذر ماعاد ينفعني
ترى ماعاد لك قيمه ولا للحب أهميه

ومثل ماتسمع لــعبدالكريم أبيك تسمعني
وداعيه ياأخر ليله تجمعنا وداعيه





للشاعر : عــطـاالله فــرحــان[/poem]