من دون اي مقدمات
اترككم مع القصيده
منهي غيره تملك الدنـيا بحــلاه
.......... منهي غيره جامعه كل الوصوف
بالحلا إي والله إن ربـــي عطــاه
.......... في جماله وش اخلي وش اشوف
لانْظرتني انــور القلــب وسماه
.......... الهنـوف اللي فــلا مثلــه هنــوف
يادلال الــورد يـاعيون المهــاه
.......... يامعــذّب قلــبٍ لشـــوفه لهـــوف
ياجمال الحـور يانــور الحيـــاه
.......... ياحـــلا ماشالتــه اقســى كتــوف
ياغـــزالٍ مالحــقْه اللــي بغـــاه
.......... ياتناقض قــد جمــع امـنٍ وخوف
والله المحظوظ من يملك غــلاه
.......... الحنون الطيب العذب الـــعطوف
انفرد باوصاف حسنه وفــ( بهاه)
.......... الحظيظ من تحضنه ذيك الكفوف
حاولت اببعد خانني قلبي وجـاه
.......... وانتهيــت وقلــبه مافكــر يـــروف
وسلامتكم
عثمان الضبعان
المواضيع المتشابهه
العرض المتطور
