عدّى المعدّي فوق روس iiالمشاريف
من عادته يرقا على كل iiمشراف
عدّى وفي قلبه هموم iiوْتحاسيف
واقبل ودمعه من على الخد iiذراف
فيما مضى يدله بزين iiالسواليف
مع ربع عِرْف اقلوبهم بيض iiونظاف
له مع هل المعروف والطيب iiتصنيف
وله مع هل الجزلات مدّه iiوميقاف
يسري ولو ليله غدا ليلٍ (ن) iiمخيف
وافي وقسمه ماغدا ارباع وانصاف
واليوم جاله في حياته iiصواديف
واصبح شريد الفكر من ظله iiيخاف
رماه وقته في ثرى حيدٍ(ن) iiمنيف
والبرد قارس ماوقف دونه iiلْحاف
حدّه زمانٍ (ن) كتّف اعْضاه iiتكتيف
واضحى كسيرٍ(ن) ترجف عظامه ارجاف
وشاف بحياته شيّْ ماظنتي iiشيف
شيٍّ(ن) ولادري بس iiياكبرماشاف
وياصاحبي يااغْلى جميع iiالمواليف
ياللي غرامك في سما خافقي iiطاف
ياللي بحسنك فقت كل iiالتواصيف
والله مال اوصافك بعيني iiاوصاف
في عينك امواجٍ(ن) تخون iiالمجاديف
وانا بعينك مبحر بْدون مجداف
لجلك اوظف صادق الحرف iiتوظيف
وانظم لك من الورد قافٍ(ن) ورى iiقاف
أشتاق لك واجمعك في داخلي iiطيف
وياكثر ماضمت ضلوعي لك iiاطياف
هجرك عذاب ينتّف القلب iiتنتيف
والبعد عنّك يالغضي سمٍّ(ن) iiزعاف
والوقت قاسي والا انا ماني iiضْعيف
تدري وانا ادري والهوى مابه iiانصاف
هذي الحقيقه قلتها بدون iiتحريف
أنا بدونك صرت عرضه iiللاتلاف
وش فالمدينه وانت مسكنك iiفالريف
دارٍ(ن) مهي دارك تجافى iiوتنعاف
واما تجي باسراع من دون iiتسويف
والا ترا مالي بهالقيظ iiمصياف
برحل بوجهي عن وجيه الملاقيف
ناسٍ(ن) تزيد جروحي اضعاف iiواضعاف
وان قالوا محمد بروس iiالمشاريف
قل عادته يرقا على كل iiمشراف
وان قالو بْقلبه هموم iiوتحاسيف
قل مايضيمه لو غدا الدمع iiذراف
العرض الشجري