[align=center]السلام عليكم [/align]
الموضوع حلو بس مو انه نكتب رد سريع ونسكت لا ، يعني انا ماراح اخلي اهلي يسوقون لأنه انا موجود وفيه اخواني وفيه محارم لأهلنا كثير ولله الحمد بس المشكله مو عندي عند المره المطلقه أو الارمله أو الي جالسه عند ابوها وامها وماعندها اخوان وش تسوي تروح مع السواق ، والسواق مو محرم لها وبعدين على ايش شايفين أن السواق مايخطي ولا يحس هو بشر مثلنا مثله .
لو نحس شوي كيف المره ضاقت بها الدنيا بس مشان توصل للمستشفى وهي مالها الا البنغالي او الهندي او البكستاني والله يكفينا شرهم وياكم ، كان ترفعنا عن الفكر الموجود بروسنا وحنا للحين ماسمحنا لهم بالسواقه هههههههه .
ويعني الحين حنا مسوين أن حريمنا ماقد سمعن كلمه طارفه منا أو منا ،والله سمعن بس الي تبي الشباب يغازلونها كان سوت تصرفات جذبة الانظار لها ، والي عافه نفسها مافكر احد انه حتى يقرب منها لأنه يعرف وش راح يجيه من ورى الحرمه ذي سواء كانت بسيارتها أو على رجليها أو مع سواقها .
والحين حنا عندنا خدمات كثيره مثل الجوال الي حتى لو مافيه رصيد يدق على حساب الغير ، يعني لو تعطلت المره على قولت بعض اخوانا مو لازم تسوي شي حنا مانبها توقف بالشارع وتأشر تبي مساعده لا تنطق بسيارتها الخربانه لين يجي احد من اهلها وياخدها .
واكيد اذا ساقت الحرمه مانيها تاخذ اهلها وتسافر ماسكه خط الشمال يعني ، كل السالفه انها تروح لدوامها وترجع ، الامور كلها سهالات بس روسنا الي يبلها شوي تفتح . لو نطلع برى ونشوف الحريم كيف بسيارتهم ولا احد يتحرش فيهم كان اقتنعنا بس الشكوه لله ، مع اني ادري لو يسمحون فجأه للحريم راح تشوف وتسمع سوالف يقشعر البدن منها بس اذا مابدينا الحين متى راح نبدى .
واتمنى اني ماضايقت احد بكتابتي هذا مجرد رأي شخصي.
ولكم مني احلى تحيه
المواضيع المتشابهه
منهو منكم
العرض المتطور
