زياده الاسعار بالخفجي +حمله ضد ارتفاع الاسعار

[رجه عاقل]

السلام عليكم ورحمه الله وبركاته
انا رجعت من السفر واتفاجاه بالاسعار مرتفعه ناااااااااار
وابي اسالكم مارايكم في ارتفاع الاسعار ومن هو المتسبب فيها هل هو طمع التجار
ام رضوخ المواطن وتشجيعه لهم

في رأيك ماهي الطريقه المناسبه لكي نحارب طمع التجار وجشعهم

لو رايت راعي محل رافع الاسعار هل راح تتصل على حماية المستهلك او ترضى بالامر وتدفع
مع التعليق وذكر السبب ..


والله لو نكون يد باليد والله ماراح نشوف زياده بالاسعار

ملاحظه كل شخص لاحظ على محل رفع الاسعار يذكره لنا لكي يتم ابلاغ حمايه المستهلك



لكم اطيب الاوقات
رجـ عاقل ــــه

[أبو رائد]

وعليكم السلام ورحمة الله وبركاته


الله يعطيك العافية

على موضوعك المهم

وبإذن الله يكون فيه تعاون من الجميع

[شمس الرائدية]

وعليكم السلام ورحمة الله وبركاته ..
سبق وتم طرح مواضيع مشابهه لـلموضوع .. بس للآسف لا حياة لمن تنادي

[صوت الأرض]

[align=center]خذ عندك
أسواق المزرعه تبيع أرز أبو كاس 10 كيلو بمبلغ 58.95 ريال ويوم 29 رمضان مشتريه بالجنوب بمبلغ 53 ريال
في أسواق المزرعه ومساء اليوم ذهبت للتسوق واخذت زيت عافية مكتوب السعر 29.95 ريال وعند المحاسب وجدته بمبلغ 34.95 ريال وطلبت المدير اللبناني قلت طال عمرك ليه الفرق قال لأن كان عليه عرض برمضان فقط قلت يا افندم السعر مكتوب إلى هالحين ب 29.95 ريال وامر ثاني العرض من قبل الشركه نفسها مو منكم يعني مالكم شغل برمضان او غيره فوالله مالقيت منه جواب
ياعمي سرقه في سرقه و وزارة النجار ماعندك أحد وحماية التجار ماعندك أحد
ربك يعين
[/align]

[ولد المحدود]

يكفي البخاري الي عند الدوار امس اول نشتري الحبه 24 ريال اليوم يوم اشتري قالي 26 بكره يرفعونها لمى توصل 30 ريال الحبه

[خالدالقباني]

لاحياه لمن تنادي !!

[الهلالي2010]

يعطيك العافية على طرح الموضوع المهم

ولكن ياأخي الكريم هل هناك فعلا حماية للمستهلك

الكل يلاحظ ارتفاع الأسعار بشكل علني وين حماية المستهلك هم ماينزلون للأسواق مايشترون مايعرفون الأسعار مايلاحظون الأرتفاع ارتفاع في كل شيء عمالة وافدة تتحكم في السوق وتجار لديهم جشع يتصرفون كما يشاءون ولاتوجد رقابة عليهم ولامحاسبة لهم

الله يصلح الأحوال ويهدي الجميع

[عـــهود]

السبب تخاذلنا قبل لا يكون جشع التجار ..لأن حتى من لم يكن لديه جشع إذا رأى تساهلك سيصيبه الطمع حتما ً..

حماية المستهلك كلمناهم مرتين واشوفهم يتجاوبون ..

[رجه عاقل]

بأمكاننا عمل مقاطعه وصدقوني والله راح يخسروووون ويرجعون للاسعار القديمه

طيب نحن ماايمدينا نفرح بالاوامر الملكيه وعالطول رفع الاسعار

واتمنى من كل شخص يشوف محل يرفع اسعاره يتصل على الرقم هذا ويبلغ عن المحل
8001241616

المشكله التجار شافونا ساكتين يرفعون على كيفهم

فاتمنى احصل تفاعل

[وطن الشرقيه]

خذ مثال عندك المراعي وش صار عليها بعد المقاطعه