علمونا في المدارس كيف نقرا ذا الحروف
علمونا كيف نرسم كيف ننقش بالنحاس
علمونا كيف نكتب كيف نبدع بالوصف
كيف نبحر بالمعاني كيف نأخذها التباس
علمونا كيف نصبر كيف نقوى هالظروف
كيف نبني هالمواقف إستجابه للحواس
والحقائق علمونا كلها سمع وشوف
علمونا وعلمونا كل شي بالمقاس
وإن حفظنا كافئونا وإن نسينا بالكفوف
كل موقف له طريقه والجزاء هو الأساس
فوق هذاسلمونا ولامنعوا عشق يلوف
ولاعطونا درس قاسي يمنع القلب النعاس
يمنع القلب يتمادى ثم ياخذنا حتوف
بين موت وبين شوق وبين لذة سم كاس
اتركونا للمشاعر نحترق لوعة وخوف
نحترق بطول مسافة كلها شوك يداس
واتركونا في الصحاري ثوب مشقوق الكتوف
يحتوينا قيظ حب في عذابه مات ناس
ليتهم ماعلمونا بس عطونا بالوقوف
درس ماشي به نماشي قسوة الحب ويباس
ليتهم بس علمونا كيف نطفي نار جوف
كيف نمنع ذا الخفوق ونتركه بأرض مساس
مايجيبه الود لحظة ولانغني بالحسوف
ولانقول شلون عشنا والعمر ماله قياس
هي أماني والأماني حلمها فينا يطوف
إن خذتنا بالحقيقه ماخذتنا بأختلاس
وليتهم وسط المدارس ماعطونا ذا الحروف
ولاعطونا كيف نرسم كيف ننقش بالنحاس
المواضيع المتشابهه
اقوى شعر للمدارس !.!.!.!..!
العرض الشجري