اه من ضرس العقل فيه شـر وفيـه سـوس=شـق راسـي وامتحنّـي وصملـت اخلـعـه
ماهتنى بالنوم راسـي ولـو عينـي تهـوس=والسبب ضـرس العقل..ياعسـى الله يقلعـه
وأشهـد أن العافيـه نشتريـهـا بالفـلـوس=(والسعـه لابـارك الله فالضـرس السـعـه)
الألـم قـام يتـزايـد ودنيـايـه عـبـوس=كـن عزرائيـل يشـر علـيـه بأصبـعـه!!
ورحت مستشفى(التخصص)وقالوا فيه (موس)=وفيـه (زراديـةً) كــل خـافـي تطلـعـه
قلـت اخافـوا ربكـم يامعـذّبـة النـفـوس=يالطبيب ايش الكلام الـذي منـك اسمعـه؟!!
قال:رح للسستـر ورحـت للبنـت العـروس=ويوم شفت المترفه طـاب ضرسـي ووجعـه
طاب ضرسي ..مير حاست خلايا المخ حوس!!=أفقـد التفكيـر مـرّه..ومـر استرجـعـه!!
البـدو عنهـا يقولون(بـنـتً عيطـمـوس)=والحضـر يقلـون عنها(هـنـوف مدلّـعـه)
ليت باقي ضرس ثاني وبـادي فيـه سـوس=ثم اراجـع بـه سنـه كاملـه قبـل أقلعـه!!
عند بنـتً غاليـه شغلهـا خلـع الضـروس=اخلعت ضرس العقل واخلعت عقلـي معـه!!!
البارحه زرت الطبيب وهذا كل الي حصل
جلست ع الكرسي وقلبي حالته الله وكيله
قال لي الدكتور قولي بلا تردد او خجل
لو تخافين بلاش من وجع الابره الطويله
كيف يسأل وانا خوفي جاب لي احساس الشلل
ماعد اشعر في يديني يوووووه ماباليد حيله
شاف الاشاعه وقال لي بشيل لك ضرس العقل
قالها وعشت انا من صدمتي امرّ ليله
قلت ياستار إلطف وردي اليله ذبل
كسر الدكتور فكّي وهو يحاول بس يشيله
وقتها حسيت انا بالضعف وفقدان الامل
وحدها محدن نفعني وقال لي همك ازيله
مانفعني لاحبيب ولا رفاقه ولااهل
مانفعني انا مين او انا من اي قبيله
كل باب في حياتي يوم دقيته انقفل
غير باب الله دايم منفتح للي يجيله
مفروض مع ربي نكون وعليه دايم نتكل
ونتبع كل الاوامر والخطا نترك سبيله
وصدقوني ذي نصيحه من مجرب ماحتمل
تذرف دموعه بحور ودمعته ماهي قليله
لو طلب منْك الطبيب تخلع ضروس العقل
قول له اسف حبيبي فكرتك ذي مستحيله
^^^^^^^
هذي خوفتني 
المواضيع المتشابهه
العرض المتطور
