سافرت في محمية افكاري ولامست الغيوم
واللي يسافر في هوى نفسه ماسمي مغترب
تعيش ياراسي وتفداك المسفه والرخوم
اللي من اتباع العرب واللي من اشباه العرب
شذابة العرقوب مالي في مصافحهم لزوم
الوضع معهم يرفض التعديل وافضل مخترب
ناسٍ تعيش حلومها لكن تضيعها الحلوم
تفشل مساعي من طرح والا جمع والا ضرب
لاعودت لمصادمات الروس ماهم لي خصوم
ماهم كفو لمصادمات الروس والحبل انكرب
والنية الغبرى هواها دوم بالوقت مهزوم
حي الفلاح اعظمه وانبذك ياحي الطرب
كم قالوا الشعار ياطير الفضاء ياللي تحوم
والطير ابومختار ينّه يبتعد والا اقترب
ماجابت امجاد الغنايم غير همّات العزوم
ماعمر تتويج المكاسب في كفوف اللي هرب
المواضيع المتشابهه
العرض العادي
