قصيدة في بنت زوجوها اهلها غصب!!!!!!!

[محيرهم]

السلام عليكم ورحمة الله وبركاته............


هذي قصيده اكيد منقوله ... بس عن اخوي اللي اكبر مني......


مناسبة القصيده:
باختصار هذي بنت زوجوها اهلها بواحد ماتبيه (( يعني زواج غصب )) والقصه واقعيه وحصلت في وحده من جماعتنا بعد........ والشاعر يمكن بعض اللي هنا يعرفونه ....
على العموم انا استاذنت منه اني ابي انزل بعض قصائده هنا بالمنتدى فوافق الله يجزاه خير ............ الشاعر صاغ القصيده على لسان البنت وهي تخاطبه وفي الاربع الابيات الاخيره يخاطب الشاعر البنت:



خاطبــتني قايلة يابن الحــلال$ $ $ $ $ الفرح قفى ومرجوعه محال

شربوني المرعقب الما الزلال $ $ $ $ $ $ $ مادرو عن علة القلب الحزين

قـالو ابن العـــم مامثله فتــى $ $ $ $ $ $ $صاينك في صيف ولا في شتى

قلت انا رايي وقالوا من متى$ $ $ $ $ $ $ $ ناخذ برايك وحنا عارفين

البنيه مالها راي ابد$ $ $ $ $ $ $ $ $ $ $ ماتشوف اللي نشوفه بالولد

الكلام اللي ظهر منا وعد $ $ $ $ $ $ $ $ $ واجهزي بعد الصلاة مغادرين

قلت وين وقال لديار الحبيب $ $ $ $ $ $ قلت تكفى .. والحشى يشعل لهيب

والدمع حرّق خدودي بالصبيب $ $ $ $ $ $ $ $ $ $ $ راجع وفكر ترانا عايفين

قال انا قررت وهذا آخر قرار $ $ $ $ $ $ $ قلت تكفى .... قال مافيه اختيار

قلت انا مابيه لو صار اللي صار $ $ $ $ $ $ $ $ $ ماحبه وانتم والله خابرين

اتجهت لصاحبة قلب حنون $ $ $ $ $ $ $ $ $ $ $ للي توازي غلاتي بالعيون

قلت يايمه كفى لا تمزحون $ $ $ $ $ $ $ $ $ $ $ ماابيه وقالت الله لك يعين

شبت النيران في جوفي لهب $ $ $ $ $ $ $ $ $ وعذابي من زواج اهل الغصب

مابقالي كود حلاّل النشب $ $ $ $ $ $ $ $ $ $ $ غير اخويه مابقالي من عوين

جيته ودمعي على خدي يسيل $ $ $ $ $ $ $ $ $ افرضولي يابن ابويه لي خليل

إغصبوني غصب ولا عنه السبيل $ $ $ $ $ $ $ $ $ كود رايك يبري الحال ويزين

قال انا رايي ترى من راي ابوك $ $ $ $ $ $ إسمعي رايي وطيعي وانا خوك

ياكثر والله رياجيل بغوك $ $ $ $ $ $ $ $ $ $ $ $ $ لكن ابن العم كله لك حنين

صار ليلي كله هموم واسى $ $ $ $ $ $ $ $ $ $ $ $ $ يوم قلب اغلى الخلايق لي قسى

إظلموني مير ياربي عسى $ $ $ $ $ $ $ $ $ $ $ $ $ $ تغفر لزلاتهم وانت المعين

ليلة الدخله وساعت ماظهر$ $ $ $ $ $ $ $ $ $ $ $ $ $ $ لابسن بشته ويضحك ويخصر

أدمعت عيني بدمعن منهمر$ $ $ $ $ $ $ $ $ $ $ $ $ $ $ ليتنا من شوف زوله سالمين

وقال هيه يابنيه اسمعي$ $ $ $ $ $ $ $ $ $ $ $ $ $ $ خلي بالك خلي احساسك معي

كان غصب العرس لابوك ارجعي$ $ $ $ $ $ $ $ $ $ $ $ صارحيني وش ورى هالدمعتين

إبتسمت وقلت يالله الفرج$ $ $ $ $ $ $ $ $ $ $ $ $ $ $ $ $ إهوه اللي بالبدايه لي هرج

قلت انا عادي ولا فيها حرج$ $ $ $ $ $ $ $ $ $ $ $ $ $قال قولي واخذي العلم اليقين

بصراحه ماهو انت اللي هويت$ $ $ $ $ $ $ $ $ $ $ $ $ وبصراحه ياما من همك شكيت

اضربوني وغصبوني لك وجيت$ $ $ $ $ $ $ $ $ $ $ $ هذي القصه .. وكشر بالجبين

قال موتي من همومك والقهر$ $ $ $ $ $ $ $ $ $ $ وعيشي في دنياي في هم وقشر

ماني مخليك ياشبه القمر$ $ $ $ $ $ $ $ $ $ $ $ $ $ $ $ ماجزعت ولو مني تجزعين

إستخرت وقلت يالله الثبات$ $ $ $ $ $ $ $ $ $ $ $ $ $ لمتى والراي ماهو للبنات

لمتى نغصب ونسحب خايفات$ $ $ $ $ $ $ $ $ $ $ $ $ $ $ للوهم والموت قلي يافطين

التفت وقلت والله معقودة$ $ $ $ $ $ $ $ $ $ $ $ $ $ $ $ عانك الله يامها الريم الشرودة

كان فيها لوم للابو نقوده$ $ $ $ $ $ $ $ $ $ $ $ $ $ صاحب الراي العمى ولا تندمين

االندم ماينفعك دامه حصل$ $ $ $ $ $ $ $ $ $ $ $ $ $ إنسي اللي قد مضى واللي رحل

حاولي من رمش عينك يكتحل$ $ $ $ $ $ $ $ $ $ $ $ $ $ واسعديه ان كان ودك تسعدينِ

وسلامتك حباااايبي،،،،،،،،،،،،،،،،،

واعذرونا على الكتابه اللي مدري شلون قايله!!!!!!!!!!!!!!
بصراحه انا اول مره اكتب بالمنتدى قصيده....(( متوهقين ))
بس مصيرنا نتعود....
شكراً