بخصوص العمل بالكويت

[business girl]

السلام عليكم ورحمه الله

حابه اسالكم يا جماعه الخبر
انا حابه اقدم بالكويت شهادتي بكلريوس حاسب

ممكن تقولون لي وين التقديم وش الاوراق مطلوبه

وتوصفون لي مكان

وجزاكم الله خير

[عقاري الخفجي]

وعليكم السلام ورحمة الله وبركاته

ودي اخدمك باللي اقدر عليه بس ما اقول الا الله يوفقك يرب العالمين ويرزقك بالوظيفة وانشالله الشباب يفيدونك
بالتوفــــــــــــــــــــــــــــــــــــــــــــ ــــــــــــيق انشالله

[احبك الوفاء]

business girl
تخصصك شنو وانا بساعدك واحدد لك مكان استقبال الطلبات

بكالريوس حاسب التخصص حقك

[احبك الوفاء]

اول حاجه يكون عندك

1-بطاقه مدنيه الكويتيه وصوره منها مع الاصل واذا ماعندك خبريني واشوف لك طريقه اخبرك فيها

2-تصدقين شهادتك من وزارة الخارجيه الي بالدمام (ملاحضه): طبعا مجانا مايخذون شي منك واي واحد يروح عادي مو ضروري انتي تروحين وصورتين منها مع الاصل او ارارسليها معا مكتب الاسمري يصدقها لك بــ 300 ريال بس
3-2 صوره شخصيه والاحتياط صوري 8 صور يمكن يطلبونها بعد التقديم للفحص ان شاء الله

4-ودفتر العائله اذا كنتي متزوجه وكرت العائله حق ابوك مع صوره منها مع الاصل

5-اتمنى لك التوفيق

واي استفسار انا تحت امرك ولما التسجيل يفتح ويطلب التخصص راح اعطي خبر في منتدى الرائديه وانتظري الخبر لان زميلي يشتغل في الوزاره وراح يعطيني خبر

والتسجيل راح يكون في وزارة التربيه والتعليم بالكويت بالشويخ مبنى رقم 2 لو تبين الوصف اوصفلك مكانه

[ميريل رادوي]

عزيزتي هذا رقم وزاره التربيه والتعليم بالكويت كلميهم وهم راح يقولون لك شنهي الاوراق المطلوبه
0096524849794

[ابوبندر 1]

للاسف والله ما عندي شي افيدك اختي

ارفع راسك انت سعودي ***** غيرك ينقص وانت تزودي !!! والوظايف مابة وظايف !!

[توم وامونة]

وعليكم السلام ورحمة الله : عزيزتي ...

بنهاية الأسبوع هذا إن شاء الله أو على الأسبوع الجاي بيعلنون عن الاحتياج ،،،

والأخ اللي له زميل بالوزارة بيفيدنا بالخبر الأكيد مشكوور ،،،

وفقنا وإياك ي اااااارب لما فيه الخير والصلاح ،،،

[نوووسه]

انشاءالله يكون عندهم احتياج دراسات اسلاميه لان خواتي ثنتين يبون يقدمون بالكويت
وانشاءالله تتسهل امورهم..

[business girl]

مشكورين لكل الي عطوني جزء من وقتهم وردو علي

اخوي احبك الوفاء ماقصرت والله
انا لاسف بطاقتي المدنيه الكويتيه صار لها سنين ضايعه والوالد ماهتم ولا طلعت بدل فاقد ولما راجعت لهم طلبوني اثبات سكن وعمل ومدري شنو
فخلينا نقول ماعندي بطاقه افضل

انا تخصصي بكلريوس حاسب تخصص دقيقه تقنية معلومات
واذا سمحت ممكن توصف لي مكان
انا ودي اقدم باكثر من وزاره لان تخصصي يصلح بكذا مكان
والله يعطيك العافيه وانتظر منك الاخبار الحلوه


والي عنده اي خبر ياليت يكتبه هنا ..

ومشكورين الجميع

[احبك الوفاء]

مشكورين لكل الي عطوني جزء من وقتهم وردو علي

اخوي احبك الوفاء ماقصرت والله
انا لاسف بطاقتي المدنيه الكويتيه صار لها سنين ضايعه والوالد ماهتم ولا طلعت بدل فاقد ولما راجعت لهم طلبوني اثبات سكن وعمل ومدري شنو
فخلينا نقول ماعندي بطاقه افضل

انا تخصصي بكلريوس حاسب تخصص دقيقه تقنية معلومات
واذا سمحت ممكن توصف لي مكان
انا ودي اقدم باكثر من وزاره لان تخصصي يصلح بكذا مكان
والله يعطيك العافيه وانتظر منك الاخبار الحلوه


والي عنده اي خبر ياليت يكتبه هنا ..

ومشكورين الجميع


اشكرك والله اني اتمنى لك التوفيق وحاس بمعانتك لكن مالي الا الدعاء الله يوفقك ويسهل لك امرك ان شاء الله

في احد من اهلك عنده بطاقه مدنيه من اخوانك او زوجك او ابوك ياليت تردين وانا بقدر افيدك فيها بذن الله وترا كل شي سهل مايحتاج تفكير