نكت على الطاير

[راضـــي]

[align=center]السلام عليكم ورحمة الله وبركاته

نكت .......... مصرية ............

=================
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: فيه ايه يا بنت الحلال؟ ليه كدا؟؟؟
الزوجه: ايه الورقه اللي في جيب بدلتك ومكتوب عليها "سوسو"؟؟
الزوج: يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !!
الزوج: خير يابنت الحلال في ايه تاني؟؟
الزوجه: حصانك على التليفون ..!!
-------------------------------
مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا
-------------------------------
مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود
ملحوظه: زوجتى الثالثه على اليمين
-------------------------------
قزم اتخانق مع مراته زعلت منه حطت جزمته فوق التلفزيون وخرجت
-------------------------------
واحد راكب عربية هو مراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لاانت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كتم اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالال اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لما بيكون سكران بس!
-------------------------------
الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق
---------------------------------
واحد مسطول بيسأل مراته هو لما بنفتح باب الحمام النور بينور
قالت له: لأ
قالها يبقى أنا عملتها فى الثلاجة
********************************************
واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين
الجرسون: احنا حاربنا الذباب بس هو فاز علينا !!!
--------------------------------------------
اثنين حشاشين واحد منهم قاعد يسمع شريط فاضي ، الحشاش التاني قالة إذا خلصت سجلهولي
--------------------------------------------
واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟!
بسرعة لو سمحت..أرجوك رقمهم..من فضلك مش قادر أديني رقمتهم لو سمحت بقى أهرشلي في المربع رقم 33
--------------------------------------------
واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة –
صاحب المطعم : ماعنديش سلطة قوطة اعمله من غير سلطة طحينة؟؟؟
--------------------------------------------
اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش ..
قال له بيسبوها تمطر
--------------------------------------------
مره كان في اتنين مساطيل قاعدين بيحششوا فواحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح
--------------------------------------------
جماعة مساطيل بيتفرجوا على الاخبار .... فنشرة الاخبار طولت الاولانى قال للتانى :هى لية نشرة الاخبار طولت النهارد كدة؟ فراح التانى رد علية وقال معلش اصل شكلها كدة النهاردة اخر حلقة
--------------------------------------------
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
--------------------------------------------
مسطول سأل واحدة اسمك ايه؟ قالت : أسماء.
فقال: يعني ما فيش اسم محدد
--------------------------------------------
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
--------------------------------------------
مسطول بيسأل مسطول الساعه كام قاله معرفش قاله غريبه أنا عندي معرفش ألا خمسه.
--------------------------------------------
واحد بلدياتنا وقع في خلاط الأسمنت طلع منه
قال يخرب بيت الملاهي.
--------------------------------------------
واحد بلدياتنا اشتري كمبيوتر...
شال الماوس وحط جاموسة
--------------------------------------------
احول عايز يهرب من المدرسة راح اوضة الناظر
--------------------------------------------
مرة 5 دخلوا كلية الهندسة اثنين طلعوا مهندسين وثلاثة مدينة نصر
--------------------------------------------
واحد سنانه كلها طايرة ما عدا الانياب...
قدم علي وظيفة
عينوه خرامة
--------------------------------------------
واحد كهربائى ابنه سخن, ركبله ترنس
--------------------------------------------
مرة واحد فكهاني ماشي في الشارع جالو صداع موز
--------------------------------------------
مرة واحد ميكانيكى دخل فرح نقط زيت
--------------------------------------------
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية ..
عملت بامية وامري لله
--------------------------------------------
مرة واحدة أتجوزت سباك حصل خلاف بينهم ضربها بالكوع عملها كسر في الحوض
--------------------------------------------
واحد ماشي في جنازة مراته وهو بيضحك بيسألوه بتضحك ليه قال لهم دي اول مرة في حياتي اعرف مراتي رايحة فين !؟
--------------------------------------------
كان مره واحد جزار راح يخطب ابو العروسه قال له المهر خمسون الف جنيه قال له الجزار ليه الكيلو بكام
--------------------------------------------
- ماما .. أنا سمعتك بتتخانقي مع بابا وبتقولي له انك مشترياه بفلوسك.
- وعاوز ايه؟
- باقول يعني مش كنتي تدفعي فلوس زيادة شوية وتشتري واحد أحسن منه.
--------------------------------------------
واحد أحول رمى يمين الطلاق على مراته ما جاش فيها
--------------------------------------------
واحده اتجوزت نجار
بقت تدلعه: يا لوحي
--------------------------------------------
واحد بيحب واحده اجوز اختها.. ليه؟ عشان يشوف حبيبته كل يوم
--------------------------------------------
واحد كريم اوى اتجوز واحدة كريمة اوى خلفو عيل اتبرعو بيه لدار الايتام
--------------------------------------------
زوجة بتقول لزوجها فاتورة الكهرباء جت 15جنية بس
قالها يارب تفضل تيجى كدة بعد ما يدخلوا الكهرباء
--------------------------------------------
واحدة بتقول لجوزها شفت الراجل اللى قدامنا داخل خارج يبوس ايد مراتة ماتعمل زية
قالها طب واعمل زية ازاى اذا كنت ماعرفش مراتة
--------------------------------------------
واحد غبى شاف قشرة موزه على الأرض فقال يييه هاتزحلق تانى
مره واحد عنده جموسه حرقها عشان ينزل اللبن مغلي
مرة شرطي مرور مسك واحدبيعمل امركانى بالعربية .. وقاله ادفع مخالفة 50 جنيه ... رد السواق وقال :ماعيش إلا ورقة بــ 100 جنيه ..... قال له شرطي المرور خلاص روح اعمل أمريكانى بــ 50 جنيه تانيه ..وارجع
---------------------------------------------


راضي الشمري


:p :p :p :p :p :p [/align]

[m76h]

ههههههههههههههههههههههههههههههههه

الله يقطع سوالف مصر لوووووووووووووووووووووووووووول

يعطيك الف عافيه على هالنكت المصريه الحلوه

تقبل اجمل تحيه عزيزي راضي

[مـ///ـتحيل]

يسلمووووووووووووووو
راضي

على النكت وعلى الطاير بعد smile0

[ابوجيلان]

[align=center]حلوه ياأخ راضي

والله انها توسع الخاطر

شوك رن[/align]