رَمضانُ وَلّى وانقضى الإفطارُ
شهرٌ كريـمٌ ليس يعدل فضله
قدْ أَنزلَ القرآنَ فيهِ مُعْجِزًا
عربيُّ لفظهِ لا يجاري يعربًا
يـحوي البلاغة كلّها، فكأنـما
آياتُه دررٌ تلاوتها علتْ
وتفتحتْ سبلُ السماءِ بليلةٍ
هي ألفُ شَهْرٍ إذْ تساوي قيمةً
والعيدُ حلَّّ على الـجميعِ بـخيره
الكلُّ يقبلُ شاكرًا ومرتلا
جمعٌ يلملمُ شملَهم أفراحُهم
الجسمُ ملتئمٌ تـُحرّكه الـحجى
هذي شفاعمرو، لنا خيراتها
والعيدُ حَلّ وهَلّتِ الأنْوارُ
شيء، له بنفوسنا آثارُ
أمُـمًا تقرُّ بعجزها وتَـحارُ
وجزيلُ سبكهِ قدوة وشعارُ
بـحرٌ يطيبُ بغوصه البحَّارُ
ترقى بها الأرواحُ والأفكارُ
دعواتِنا يتقبلُ الغفَّارُ
فعظيمةٌ خيراتُها وكبارُ
فتبسمت لقدومِهِ الأقطارُ
ومهنئًا وتكاثرَ الزوَّارُ
جَمْعُ الأحبَّةِ غايَةٌ ومزارُ
فالكلّ عائلةٌ معًا أو جارُ
وبـجمعنا هي جنَّةٌ وديارُ
__________________________________
فرحة الأعياد بشوفك تكتمل
وانت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسايل بيننا همزة وصل
وعيدك مبارك عسا الفرحة تجيك
والكواكب دايرة دورة زحل
والقمر طالع بنوره يحتريك
-------
يارسالة سايري ركب السحايب واسبقيه
واوصلي جوال منهو عني غايب وافتحيه
سطري له من رسايل العيد وشوقيه
وباركي له قبل كل الناس وفرحيه
-------------
عاد عيد الي على البال طاريهم طرى
قبل زحمة الإتصالات وقبل الإشتباك
طالبك يالله من قبل لا أسكن الثرى
تغفر ذنوب البشر يالله إني في رجاك
________________________________
أي شيء في العيد أهـدي إليـك
يا ملاكي , وكل شيء لديك
أسوارا ؟ أم دملجا من نضـــار
لا أحب القيود في معصميك
أم خمورا ؟ وليس في الأرض خمر
كالذي تسكبين من لحظيك
أم ورودا ؟ والورد أجملـه عندي
الذي قد نشقـت من خديـك
أم عقيقـــا كمهجتي يتلظـى
والعقيــق الثمين في شفتيك
ليس عندي شيء أعز من الروح
وروحي مرهونــة في يديك
===========================
العيد باكر اسعد الله ممساك .... والله مدري وين خد لمسته
وين انت ياللي عيدنا في محياك .... كف القدر من ضيقة الخلق بسته
من يوم مالوحت لي كف يمناك .... لليوم دمعي بالخفا ماحبسته
ومن يوم ماذوقتني حر فرقاك .... والياس زرعه في حياتي غرسته
شريت لي ثوب على شان لقياك .... والثوب راحت موضته مالبسته
وشريت عطر مازهاني بلياك .... اربع سنين بعلبته مالمسته
ودفتر قصيد كل يوم يترجاك .... مافيه يوم ماسهرت ودرسته
======================================
يعتادني عيد الشقاء .. يوم فرقاك
و يعتادني عيد الفرح .. يوم أشوفك
ما هوب .. عيد ما سمح لي بلاماك
عزى لعين .. شوفها .. ما يحوفك
يشتاق لك بالحيل .. قلب تمناك
قلب تعش فيك .. كامل وصوفك
قلب يشع من الفرح .. لين لاقاك
وليل تلاقت مع ظروفه ظروفك
ما ظني أصبر .. يا حبيبي بلياك
من غير .. ما تلمس يديني كفوفك
================================
امضيت عيدي وحدي لاتفارقني آهات نفسي والامي واحزاني
=====================================
كل يســولف لي عن افراح عيده وعن فرحةالأطفال وجمعةاهلهم
وأنا الوحيد في عـيوني قصيدة يبكي لها قلــب كلامه وزنهم
كل غــدا للعيــــدقصة جديدة وأنا همومي قـصتي في زمنهم
حزني وجرحىوهاالدموع العنيدة صارت ثلاثة قــيدوني بوطنهم
كل يجـي ويقول فـــرصة سعيدة وروحي توفت وأفرحومن جللهم
ليت الليالي تاخذ اللي تريده وترد لي الخلان..اللي خذتهم
ياعــيـد من تــمـزق وريــده وشوله افرح ودمع عينىخذلهم
ماعادلي يا عـيد قـلب تكـيده هم اجرحو قلبي ومات بكفنهم
مات الحبيب اللىلةالكون سيده مات وتركني احترق في حطبهم
مات وكتبت الـشعر بروح فقيدة ويش لي بفرحة ماتجمع شملهم
جرحي عيوف مايـبي اليوم عيده وده يضم الجرح وينصى اهلهم
=====================================
تحتفل روحي معاك بكل حـــــــول
فيك يا أحلى متى عيدك حضـــــر
عيدك اللي حتى تاريخه يقــــــول
في مثل هاليوم يا أغلى البشــــر
كل عـــام وبسمتك أحلى الفصول
طلتك أجمل من الوجه القمـــــــر
وانته قلبك وردة ما تعرف ذبــول
انته طيب العود واحساسي العطر
يا عسى كل عام يا ولدي الأصول
ولا أٌقولك يا عسى كل يوم يمــــر
ربي يجعلك في كل خطوة قبـــــول
وانته تكبر وأنا أغني لك شعـــــر
تحتفل روحي معاك بكل حـــــــول
فيك يا أحلى متى عيدك حضـــــر
عيدك اللي حتى تاريخه يقــــــول
في مثل هاليوم يا أغلى البشـــر
>>>
العيد باكر أسعـد الله ممسـاك ...... والله مدري ويـن خـدٍ جلستـه
وين انت ياللي عيدنا في محياك ...... كف القدر من ضيقة الخلق بسته
من يوم ما لوحت لي كف يمناك ...... لليوم دمعي بالخفا مـا حبستـه
ومن يوم ماذوقتني حرّ فرقـاك ...... واليأس زرعه في حياتي غرسته
شريت لي ثوبٍ على شان لقياك ...... والثوب راحت موضته مالبسته
وشريت عطرٍ ما زهاني بليـاك ...... أربع سنيـن بعلبتـه مالمستـه
ودفتر قصيدٍ كل يـوم يترجـاك ...... مافيه يومٍ ماسهـرت ودرستـه ..
وقالت أيضاً :
ليته درى صبحية العيد وش صار ...... ياهي جرت لي من عذابي هوايل
يوم العذارى بيّحن كل الأسرار ...... وجت السوالف بين قيلٍ وقايل
هذي معايدها قبل وقت الأسحار ...... وهذيك صاحبها عطاها رسايل
وهذي تقول إنه لفا البيت زوّار ...... وهذيك راحت له زيارة عوايل
وهذي تفاخر في غلا الصاحب البار ...... تقول عايدها بكل الوسايل
وأنا أطالع فوق ويمين ويسار ...... بالعيد حتى مامشطت الجدايل ..
>>>
أقول في نفسي وأنا أعايد الناس
متى بشوفك تكمل أفراح عيدي
أجامل وربي عليم ٍ بالإحساس
وشهو شعوري وأنت عني بعيدي
اللي خذاني لك على سهو هوجاس
حسيت نفسي وسط ربعي وحيدي
لو حسوا بما بي يقولون لاباس
بدال قولة على عيدك سعيدي
لاصرت عندي وقتي أعياد وأعراس
حتى ولو إني وسط سجنٍ حديدي
عاشرت خلان وتخالطت بأجناس
محدٍ سواك أهديته القلب بيدي !!
من تحت ما طا الرجل لي هامت الراس
كلش هويته فيك والله شهيدي
لقيت بك ذوقي وأنا قاطع الياس
ومعك بدا يحيا الأمل من جديدي
،
عيدك مبارك صاحبي وين ماكنت
يزف لك نبض الخفوق التهاني
عيدك مبارك كثر مابي تمكنت
كثر الغلا اللي بالضلوع المحاني
او كثر مافي فرحة العيد حزنت
وارخيت لجيوش العذاب العناني
يوم التفت وشفت ماغايب الا انت
ضاق الوجود وكل هم غزاني
،
ياعيد مالك نظرة في عيوني
نسيتني مدري زماني نساني
ماقدرت افراحك تعانق شجوني
احزاني اكبر من كلام التهاني
حاولت اجاري فرحتك واكشفوني
لاجيت ابضحك ماستمرت ثواني
،
الا يا دانة الدنيا عسى عمرك يعيش بخير
عسى عيدك فرح يافرحة الدنيا ومافيها
ابكتب لك شعر لكن اخاف يصير به تقصير
ولا يطلع بقد الشوق وايامه وطاريها
ابكتب لك شعر من راس صافي ما رضى تغيير
مباديه القديمه راسيه ماهو مجافيها
ابكتب لك شعر من قلب وافي صادق التعبير
يترجم سر نفسٍ وضحت لك كل خافيها
ابكتب لك شعر يرقص على لحنه جناح الطير
يغرد يوم بانت له ليال الود وصافيها
ابكتب لك شعر كله حروف محمله تقدير
على كف الغلا يمك يا بنت الورد اوديها
ابكتب لك شعر فاق بحضوره حرفة التصوير
على متن السحابه ينظر عيونك وناويها
ابكتب لك شعر لكن قصيدي خانه التعبير
الا وشلون يقدر ينظر عيونك ويوفيها
،
على كثر اتصالات الخلايق في صباح العيد
انا والله ما كنت آتحرّى غير جوّالك
تحريت إتصالك إنت يالغالي وبالتحديد
لأن العيد ما اظنه يجي وما جيت في بالك
تصور كيف مر العيد من تنكيد في تنكيد
وانا ما غير اهوجس بك وانادي وآتحرّالك
وجوّالي غدا مثلي تنهّد واكثر التنهيد
يقول: ابطى عليك.. وقلت: اكيد العلة ارسالك
وقمت اكذب على نفسي واقول بصيغة التأكيد
اكيد الحين بتكلم وانا ادري ما طرينالك
على ما يبدو اني كنت عن بالك بعيد ابعيد
حرام ارجوك صدقني انا ما استاهل افعالك
جفاك اليوم قيّدني تعال وفكّ هذا القيد
كلّمني وعايدني وقلّي.. إنت وش حالك
ياليت العذر (فاتورة) عليك بحاجة التسديد
أخاف العذر هي قولة: نسيته رقم جوالك
،
العيد صبحك والهدية حضورك
ياللي بشوفك يصبح العيد غاية
يشتاق فجر العيد ريحة بخورك
وأشتاق قولك: (عيد وأنتِ معايه)
ألبس وأغير وأتخيل شعورك
وأمشط وأطيب ما هجرت المرايه
تشرب ثيابي العطر لحظة ظهورك
وأسكر بعطرك لا تخلل هوايه
أروح وأرجع أتحرى مرورك
أفلّ شعر القلب وأضفر شقايه
أردد أبياتك , وأقطع بحورك
أبغى التفوق في الغلا ياغلايه
الله يوم أشرق على القلب نورك
أجهر حروفي ,دسّ شعري ورايه
تفتح بشوفك في خدي زهورك
تبي تحس في نظرتك بالرعاية
كلي أمل أحظى ابسمة سرورك
وأقرأ في وجهك ما يسطر هنايه
،
العيد ما هو يوم واحد ب شوال
العيد يا عذب الكلام ب وجودك
العيد فرحة شايب وبنت واطفال
العيد مركب ما رسى في حدودك
العيد ذكرى فيه لمحات لأجيال
العيد دعوة حب لأول جدودك
العيد غاده لوعت قلب رجال
العيد رجل ٍ ذاق حالي وعودك
العيد طفله جايره مترفة حال
العيد طفله عايشه في جمودك
العيد دمعة طفل والجوع قتال
العيد طفل باكي ٍ من جحودك
العيد يا ورد ٍ نبت ب اشهب الال
العيد رشة من عطر في خدودك
العيد فيه الحظ مايل ولا مال
العيد انسى شوي اخر صدودك
العيد آمال بنا حلمها فال
وكل الأمل عيد ٍ سعيد ووجودك
>>>>>>>
كل عام وكل يوم وكل لحظه من سنينك
وأنت ياعيدي بخير وكل أعيادك هنا
؛
؛
للعيد طيب وطيب عيدي هل الطيب
وأطيب عطور العيد عندي معايدك
؛
؛
عيدك مبارك يابعد كل الأعياد
ياعزي الشامخ ويانور عيني
؛
؛
أبي كلمه تروي ضماي أيام وشهور
عيدية من فمك يقطر عسلها
؛
؛
عسى عيدك سعيد وجعلك بعيدك بعد مرتاح
عساك بخير في كل السنين ودوم متعافي
؛
؛
العيد والله شوفتك ياهوى البال
وبدون وصلك مالعيدي حلاتي
؛
؛
العيد بك عيدي أنا يوم أشوفك
وباقي لبشر ماظن شوفتهم أعياد
>>>
من قبل تكشخ بثوب العيد وتعطر
ومن قبل زحمة مهنينك وعوادك
ارسل بطاقة غلا بالشوق تتسطر
واقول عيدك مبارك دامت اعيادك
~
سلام العيد باقـات وتهانـي
إلى الأحباب ترسل بالنيابـه
وفي طياتها أحلى المعانـي
شعرمخصوص ماقد حد درابه
أنا شوقي لكم في العيد ثاني
عجزت القاء لشوقي مايشابه
وصالك عيدي وفرحة زماني
وبعدك نار ما أتحمل عذابه
~
العيد قرب وخلي مبعد دياره
والشوق زايد بقلبي دون تحديد
يامرسلي شل خطي وانشد اخباره
وبلّغْه بالتهاني مصبح العيد
~
العيد عاد ولي عوايـد وعـادات
ماني مخليهـا ولانـي بناسـي
أرسل لعز الناس احلى البطاقات
كل عام وانت بخير يا تاج راسي
~
العيد ماهو اكل مضبي ومندي
وماهو بلبس ثياب بيضاء وفستان
العيد يوم تكون ياخل عندي
وانا بعيدك يا الغلا اسعد انسان
~
ياعيد عاود صاحبي في غيابي
واحمل له اشواقي وشعري هديه
قله يطيب العيد لامنه طابي
عساه طيب دوم والنفس حيه
ورد لي ياعيد منه الجوابي
وانا انتظر بالشوق رد التحيه
~
عيدك مبارك ياعسى دوم عيدك
الله يعيده بالفـرح والمسـرات
افرح هنيا لك وربـي يزيـدك
وانا لعينك برسل احلى البطاقات
>>>>>>>>
المواضيع المتشابهه
العرض العادي
