البرد لهفه وشوق والليل ساكن
البرد لهفه وشوق والليل ساكن
وانا تشفقت اللقاء واحتريتك
الله عطاني اياك واصبحت لكن
على الله اني لا بغيتك لقيتك
مؤمن بما يكتب لي الله ولكن
بليت نفسي فيك عشق وبليتك
تغيب وعيوني عليك يتباكن
لو انك تسقيني الوصل ماارتويتك
خليت حسرات الزمان يتراكن
بين الرجاء والياس ليتك وليتك
داويت جرح من قسى الوقت ماكن
والا فتعطيني ربع ماعطيتك
وخليت ناقلت الهروج يتحاكن
ومن كثر مااجحد احسبني نسيتك
ماشفت قلبي والعيون يتشاكن
اغير منهم ومن كثر ما هويتك
سريت لك مشتاق والليل داكن
يستر ظلامه وقفتي عند بيتك
تقول حبك بين الاضلاع راكن
واقول هذا اللي ذبحني وجيتك
سمعتني محمد يغني الاماكن
واسمعك واحشني موت وفديتك
المواضيع المتشابهه
العرض الشجري