ع ر ب ج ي ن ا العزيز

[هين]

مساء الورد للجميع ...

اليوم موضوعي خاااص جدا يحاكي شريحه خاصه

لها تركيبه خاصه من شبابنا الاعزاء ..

هذولا هم العرابجه .. وهل يخفى القمر ..

طبعا العرابجه انواع ..

وانا بتكلم مع عرابجة السيارات والتفحيط على وجه الخصوص ...

اليوم وانا بصناعية الخفجي .. شفت بلاااوي من هل شباب

كل شوي جاي واحد شكل .. وكل واحد له طلب معين ..

الاول جايب له ددسن جديد .. تحنه من اللمس .. يبي ينزل وجه

طيب ليش .. ولا يعني لانك ماتعبت فيها ..

الثاني جايب له نيسان سفاري .. ياااعيني عليه ..

صوت الشكمان يسمعه الي باخر الخفجي .. والاريل يلامس الغيوم ..

ومابقى لزقه ماحطها على القزاز .. تخيلوا حتى سان باب ماخلوه ..

لا ويبي يزود صوت الشكمان او يغير دبة كزوز .. شكل الاخ اصمخ ..

الثالث عاد هذا الي للحين افكر فيه .. بالله تخيلوا معاي ..

على قولة طيب الذكر طارق العلي .. شغلوا الخيال ..

السيارة جمس حوض رفارف .. طبعا قزوين مسدحهم يمين ويسار ..

مع ان المكينه 305 اهم شي شكل الشكامين وصوت دبات الغاز ..

ونزل الحبيب من هل جمس .. الا وهو ضعيف ..

احسبة حاط جواعد على الموتر طلع مربي كدشش

والطاقية شخال منزلها على جبهته ..

والشماغ مكوي ( سمبوسه ) وقاطه على كتفه ..

ويسحك سحك الشر من هل دخان ..

والنعل لابس نصها ونصها فاضي .. مغير يجرجر فيها

وش تتوقعون يبي من الميكانيكي ... ؟؟

صدقوني ماكذب عليكم يقوله .. ابيك تركب كعكات من الخلف ..

علشان الموتر يطيح من قدام .. ؟؟

جمس ياااشباب ... يبي يطيح وجهه ...

طالعت فيه .. قلت ماشاء الله .. اول مره اشوف جمس يحتاج تطييحة

قال .. هلا ؟

قلت الي سمعته ..

قال .. يالحبيب .. لاتحتك .. خلك بشغلك

وبيني وبينكم تناقدت على نفسي وش مخليني اكلم هل عربجي ..

اااه يازين عربجتنا قبل ... ايام الكورنيش القديم ..

جرانيدات .. ال 88 والجيتي اكس ... الله يذكرها بالخير

ولزقة بطرف القزاز عليها اعلام دول الخليج ..

ســــــــــؤال لكل عربجي تفحيط :

بالله وش تحــس فيه ؟؟

تزعج العالم .. وتحرق كفرات موترك .. وتخلي الكل يدعي عليك ..

وتدمر غيرك .. اما خويك الراكب .. ولا تخش بواحد مع عياله ماله ذنب ؟؟؟؟؟

ياليت بس نفكر شوي .. ونعترف ان هل امور خلاااص كبرنا عليها

انتوا ياجيل اليوم جيل التكنلوجيا

والتقدم والحضاره .. يعني جيل نظيف .. ابتعدوا عن هل امور وطالعوا غيركم وين وصلوا ...

بسكم مقاوم بهل مواتر ... ومناطح .. ترى قروب درب الخطر والله ماينفعكم لو صار شي لاسمح الله .. اتعضوا من قصص الغير ...

ترى العالم يضحكون عليكم ..

ويقولون عنكم متخلفين ورجعيين وسطحيين ..

بسكم تجمع عند هل محطات ..

بسكم استهتار بارواحكم وارواح الغير

بسكم هدر للمال

بسكم تشجيع وتحميس الغير على الغلط

بسكم جمهره .. وفوضى .

هدد – نفسية – تطييح – تعزيز – عقده – تخميس – تجنيط – تقزيز

تغبيره – تضليل – فرري – تنفيس – هسهسه – تسخين ياي – ازرفها – استريح – سفط – سقها – البني – حبتين – تسحيب – تطعيس – تكتيم

هذي مصطلحات اتمنى تنتهي من حياة شبابنا الاعزاء

لاحد يقول حريه شخصية ... لان حريتك الشخصية وان كانت في مالك الخاص يجب ان تنتهي عند بداية حرية الاخرين ...

ترى ماربح هل يمنيه .. والبنقالية .. الا انتوا ...

الواحد الصبح يغبر .. والعصر يغسل .. وكل شي بحسابه ...

اذا ابوك الله يخليه لك او اخوك الكبير جاب لك سيارة ...

ياليت تهتم فيها من ناحية النظافة .. والتشييك ... علشان تنفعك وتنفع اهللك

وتخلي كل شي على وكالته .. علشان غيرك يقول ماشاء الله .. بدال مايسبك

كان هذا حوار ورسالة الى الاعزاء عرابجة السيارات ...

وفي الختام ماقول الا طططااااااااااططااااااااااط احلى تعزيز

حفظكم الله

[شيخة الزين]

معــاكــ حـق اخــوي بكــل اللــي قلتــه بــس صدقنــي هــم مـاسووا كــذا الا انهــم مــوحــآسين بقيمتهــا وش عليهــم الابــو هــواللي يدفــع هــم مـوخسرآآنين شيئ غيــر كــذا اكيــد ومليــون بالميــة انهــم رافعيــن ضغط ابوهــم لأن اكيــد مافي احــديرضـى ولــدهـ يســوي كذا ويسبب الاذى للغيــر بــس مـآاقــول الا اللــه يهـديهــم

[مطفش ابليس]

والله العظيم كلامك كله صح ما فيه عيب , انا تأذيت من اشكالهم واشكال سيارتهم
خاصه حقين الدداسن راز بوجهه عند الاشاره وطاقيه صغيره يالله توصل نص راسه
لا وبعد في الليل تعال شوف ( لمبه ) داخل السياره تقول شابكها من شركه الكهرباء
وفوق هذا تنزيل وتغبير وتظليل , وعلى فكره ترا العرابجه اذا شافوك تطالعهم يحسبونك معجب فيه ولا بسيارته ما يدري اننا ناقدين عليهم .
وصارت معي سالفه احد الشباب صارت له زياره للخفجي لغرض التنزه وكان قادم من الرياض
وقال لي انه شاف تخلف عندهم بالرياض لكن تخلف الخفجي غير يعني ( شباب متخلفين)
ما نقول الا الله يصلحهم ويطرح فيهم الخير والبركه ونعتبرهم شباب المستقبل وهذه فتره مراهقه الله يعديها على خير

[هين]

شيخه الزين

مشكوره على المرور الحلو
وفعلا محد يرضاها على ولده بس عاد شباب عقولهم مادري كيف جايه
وهذا مايمنع ان فيه بنات عرابجه ههههه بس مو موضوعنها اليوم
تحياتي

[نايف عايد]

يعطيك العافيه اخوي هين على الموضوع..

وإنما نسأل الله لهم الهداية فمرحلة فلا بد تجاوزها ..

اقتباس المشاركة الأصلية كتبت بواسطة مطفش ابليس وعلى فكره ترا العرابجه اذا شافوك تطالعهم يحسبونك معجب فيه ولا بسيارته ما يدري اننا ناقدين عليهم .

ههههههههههههه: biggrin: حلوه هذي

[امجاد]

قالو قديما جلدمهوب لك جرة على الشوك
هالمصبنة لو هم دافعين وتعبانيين بهالفلوس ولا اقل شئ حاسين بالي يتعب
والله ماكن سوو كدا
بس استهتار وعدم احساس بالمسؤلية
وعلى فكرة البعض يطق ال30 ونفس الغقلية

اقتباس احسبة حاط جواعد على الموتر طلع مربي كدشش

هههههههههههههه
اما هذي حكاية اخرى ماشي على موضتين اللطيف
موضو مايكل جاكسون موضة العرابجة

فراغ وفلوس ووضعف وزاع ديني

اكيد النيجة بتكون من هالشئ وادهى

الله يصلح الحال

[راعي الطياحه]

يعطيكم العافية على الموضوع المهم


بما أننا أستعرضنا الموضوع وأستنكرناة وعرفنا انة لة سلبيات


بقى علينا نوجد البدائل والحلول .... الكبار يعلمون الصغار بطريقة أو بأخرى


يعني لو تسوي دراسة على ستة أشخاص من شباب طلاب الثانوي

ومثلهم من العزابية العاطلين


ومثلهم من المتزوجين ...


راح تعرف أن ليس لديهم مايملئ عليهم فراغهم أذا تسألت وش يحتاجون


هالشباب ع شان أتخلص من كل هذا


تتشعب المسأـلة وتكثر عليك أذأ حددنا بس فئة الشباب العاطل عن العمل واللي هم


مصدر الازعاج وفر لهم على الاقل نادي طالبووو ؟!

وفر لهم مكتبة عامة , وفر لهم وظائف , وفر لهم متطلباتهم الاساسية


لو سألنا نفسنا وش قدمنا لشباب الخفجي تجد لاشي ؟


تحياتي لك .؟

[دودي الخفجي]

موضوع في وقته بصراحه كفيت وفيت في موضوعك,,,


عاد ياليت يرد عليك عربجي نشوف وش يحس فيه,,

[دانة الكون]

السلام عليكم ورحمة الله وبركاته
ابشرك يا خوي هالحين حتى البزران يزينون سياكلهم يقلدون الكبار
كل يوم وين رايحين رايحين لمخاوي الليل عندهم "ما ادري والله وش قال" قلت وش دخلكم هذا للسيارات قالوا حتى حنا نزين سياكلنا ونحط حركات زي خوي فلان.
الي ماعرف قيمة الشيء ولا دفع فيه دم قلبه ما يهمه وش يسوي فيه إذا خرب يجيبون له بداله.

[AL-SAHER]

والله اتوقع ياخوي انك تنفخ بقربه مشقوووقه





نقول الله يصلحهم