حي الشعور اللي لكم صادق احساس
اللي نتج منه حروف ابجديه
موجهن مني لخيرين الاجناس
لعيال وايل بالسلام وتحيه
لهم غلا في خافقي مالهه اقياس
اهل الوفا واهل السطر والحميه
أكتم غلاهم في خفوقي بالانفاس
يازين كتمه لو اذوق الميه
صباح شعري ينغمر فيه الادماس
اذا عنزه ماكان له اوليه
عيال وايل للمعادين نطاس
عدوهم منهم يشوف الاذيه
عيال وايل ملتجى مشكي الباس
لا لزمت الشدات كلن نصيه
ماضنتي هو يصفق الخمس بخماس
من كان ربعه عزوتن وايليه
يافرحتي من بعد شمر يالاشراس
حنا كما شمسن على القاع ضيه
ربعي طنايا حامية دن الافراس
يوم اصبحت خيلن عليهم مجيه
ربعي طنايا شوق مريوف الالعاس
الجادل اللي هو صعيبن لقيه
وحنا و بني وايل مثل شد الامراس
مشدود حبله والروابط قويه
يعيال وايل قربكم يرفع الراس
والمدح للويلان واجب عليه
.
.
.
.
المواضيع المتشابهه
حيً الشعور اللي لكم صادق احساس
العرض العادي
