ورشة عطيــــــــــة ... !!!

[أبو فهاد]

السلام عليكم ورحمة الله وبركاته ،،،،

القصيدة بعنوان " ورشة عطية " … والقصيدة تحكي نفسها .. !!

للشاعر : مانع الخـــالد …

وإن كنت أحرص في الأيام هذي أشد الحرص على إختيار المميز من القصائد ...
ــ
ــ
ــ
ــ
ــ
ــ
ــ

بسم الله نبـــدأ ...
ــ
ــ
ــ
ـــ

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالت مشينا قلت وين وعلى خير=قالت نسافر قلت بدري شويــّـــة
وين الهروب وكل ناسي مناشير=ومنهو رحمني بس كبـّـل يديـــّـــة
عيشي حياتك وإتركيني مثل طير=قصـّـوا جناحه دون ذنب وخطيـــّـــة
وقاموا عليه عيالهم حزة عصيــر=ورع يشيله وتخبط به بـنـيــــّـــة
إنتي رصيدك بالريال ودنانير=وأنا رصيدي طعنـتـيـن وكيـــّـــة
إنتي عشقتي القاهرة مع أغادير=وأنا على الباطن مع الخالديـــّـــة
إنتي تحسبـيــنه رباح ومخاسير=وأنا حساباتي مخاسير هيــــّـــة
إنتي على الموضة فصالك معايير=وأنا فصالي عند هندي وزيـــّـــة
إنتي همومك بالسفر والمسايير=وأنا همومي لقمة لي هنيـــّـــة
إنتي بلشتي بالصبغ والمناكير=وأنا بلشت أسدّ ورشة عطيــّـــة
وين السفر وأنا مثل سالم الزير=بآخر حياته صار راعي مطيـــّـــة
بجلود بنتـــه لاطبول ومزامير=الله يسوّد جـبـهـتــك ولد خيـــّـــة
أنا بلشت بصاحبي نافخ الكير=عجزت أسنـّــع حالة له رديـــّـــة
والظاهر إنه ( هه) مابقى شيء وأصير=مثله على نفخ الحديد أسبقيــّـــة
روحي علشان تشاهدين المشاهير=روحي على متن السحابة خويـــّـــة
لكن أمانة لانويتي على السير=مناك لامنك نويــتــي بجيــــّـــة
بس أذكريني لامشيتي على خير=ولو به كلافة .. إجلبي لي هديـــّـــة[/poem]


الشاعر : مانع الخالد ...