المقادير:
كرتون مكرونة اللازانيا
سبانخ مفرومه
لحم مفروم
بصل مفروم +ثوم مفروم
حبنه كيري + جبنه شيدر
وعلبة قشطه
صلصه طماطم
بهارات (ملح +فلفل+كمون )
وشويه زعتر
جبنه موزاريلا حقت البيتزا
الطريقه :
1-نسلق المكرونه الين تستوي ونضيفلها شويه زيت عشان لاتلصق في بعض وملح
2-نحمس البصل بالزيت والثوم وبعدين نضيف المفروم بس بعد مانطبخو اول وكمان نضيف السبانخ المفرومه
3-ونحط الصلصه ونقلب ونضيف شوية مويه
4- نحط جبنة الكيري وكمان جبنة شيدر لمده 5 دقايق وكمان نضيف القشطه والبهارات
5- بعدين نجيب المكرونه ونحط طبقه في الصينيه وفوقها من الخلطه اللي عملنها فوق بس قليل يعني الطبقه تكون نحيفه مره وبعدين طبقة مكرونه وفوقها طبقه من الخلطه
ونكررها كدا 4مرات واخر شي نغطيها بطبقه من المكرونه ونرش جبنة الموزاريلا وشويه زعتر يسير يطعمها
ونحطها في الفرن اول شي نشغل الفرن من تحت وبعدين الوجه بس انتبهو على الوجه تقريبا 15 دقيقه عشان لاتروح تنحرق
وبس تكون جاهزه زي في الصوره اللي من صنع يدي
وبالعافيه والهنا على قلبكم
المواضيع المتشابهه
لازانيا بالسبانخ
العرض الشجري