صوت لمني سمعته طاحت السبحه...

[السـبيـعـي]

السلام عليكم ورحمة الله وبركاته

صبحكم الله بكل خير ومسرة


اضع بين ايديكم قصيده لـ الشاعر مسفر بن عايض الرشيد

شاعر تميز باسلوب واضح في كتابته لقصائده والاسلوب العجيب والجميل والبعيد عن الحداثه

أترككم مع القصيدة



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
ياصوت ياللي عليه من الحلا ذبحه=من زود ما فيه من رق وتغناجي

صوت لمني سمعته طاحت السبحه=زود على جرحي اللي في الحشا لاجي

ياراس مال حلال بين ربحه=يا مكسبي من زمان عقد حجاجي

يا الشامخ اللي تعجز الناس عن شبحه=يا العفه اللي على راس الوفا تاجي

يانور ياللي بدالي وانفلق صبحه=وضيعت نور الصباح بليله الداجي

يا مشعل جمر حبك بالضمير ابحه=واحرق خفوق عليه الضلع منعاجي

ومن في هواي عذلك خله على سبحه=خلك معي صامل وادل منهاجي

وقت يريد الفراق الله يا قبحه=ما يدري أني عليك يجيني خلاجي[/poem]


ودمتم بكل محبه

[راضـــي]

يصبحك بالنور والسرور

وصح لسان الشاعر

ولاهنت يالسبيعي على النقل

[السـبيـعـي]

راضـــي


ولا أنت يالغالي وتسلم على المرور

[سبيعي الخفجي]

اخوي السبيعي

تسلم عالنقل وقصيده رااااائعة بس نبي من قصيدك انت يقولون انك شاعر

<<< نكبك صح


لك كل الاحترام والتقدير!

[أبو رائد]

الســبــيــعي

متميز دائما في مواضيعك

ومتميز في حضورك


الله يعطيك العافية

[السـبيـعـي]

اقتباس المشاركة الأصلية كتبت بواسطة سبيعي الخفجي تسلم عالنقل وقصيده رااااائعة بس نبي من قصيدك انت يقولون انك شاعر <<< نكبك صح

ههههههههههههههههههههههه

والله الحمد بخير << يسمع بالتصريف


لا ياخوك لا تصدق كل اللي يقولونه

وتسلم على تشريفك هالطرح

[السـبيـعـي]

أبو رايد


الله يعافيك ويسلمك

والتميز مرورك لهالمشاركه