كلي .. هنا .. نــواف ... !

[نواف الفهاد]

وثقت بك / قدّرتك و صار لك شآن
... و عملت لك أشيآ / على حساب روحي !!

واليوم .. ما كنّ الغلآ / بيننا كان !!
... غديت بارع .. في صناعة جروحي .....!!

[نواف الفهاد]

بكيت و سنيني مادرت ويش مني كان ؟؟
... أضيق وليآ ضقت .. غيّرت موضوعي ....!!

غرق جفن عيني بالدموع و ذكرت إنسان
... لو إنه درى بي ؟؟ مارضى تذرف دموعي !!

[نواف الفهاد]

يارفيق العمر / ماباقي سنين
.. و الخفوق يموت نبضه .. ماشكى !!

لو تذوق الدمع و تعرف الحنين !
.. ماتلوم اللي من الضيقة بكى ......!!

[نواف الفهاد]

ثلاث ماعنها .. وعن دمعتي بدّ
.. لو إن عيني .. بالمدامع شحيحة ..!!

حاجة يميني , ومن معي لآغدا ضدّ
.. و ثالثها نفسٍ من وفاها / جريحة !!

[نواف الفهاد]

أطنّش الغلطة ولا أديرها بال ،
لو إن لي نفسٍ من الجرح غرقى ،

شرّبت عذّالي من الطيب فنجال ،
و علّمت أنصاف الرجاجيل ترقى !!

[نواف الفهاد]

اللي صداقتهم لياشمّلوا غرب ،
وش عذرهم يوم الحزن فيني يفيض ؟!

ودّي أوقّفهم على مفرق الدرب ،
و أقول لا يفوتك على ذول تخفيض !!

[نواف الفهاد]

يابحر قررت أبتعد عنه ولا باس ،
جيتك من أقصى ضيقتي يا سميري ،

قررت أضحّي بالمحبة والإحساس ،
ولا أضحّي يابحر في ضميري !!

[نواف الفهاد]

بيت الشرف في تالي الوقت مشدوخ ،
وياكثر من ينشأ على غير ناشي ،

أنا أعرف شيوخ و عيال لشيوخ ،
و عيالهم عقب المعزّة ولا شي !!

[نواف الفهاد]

لا تحنّ و كان ربّك مبتليك ؟!
...................... حنّ للي يستحقّ تحنّ له !!

[نواف الفهاد]

العجيب تصدّ وتسأل وش بلاك ؟!
يالعراق اللي تنكّر موصله ،

الشعور اللي أحسّه من غلاك ،
أتوقّع صعب قلبك يوصله ..!!