[align=center]صوت وصدى بين عملاقين من عمالقة الشعر في وقتنا الحالي
خلف المشعان و حسين البليهي
فكره بسيطه عن أسباب الرديه بينهم
هو أقامة أمسية شعرية في حفل زواج الأخ الأصغر للشاعر حسين البليهي في مدينة عرعر وقد قام البليهي بدعوة أحد زملائه الشعراء فكان زميله يفاوضه على السعر والفلوس كي يحضر لإقامة الأمسيه ( وهو حق من حقوقه ) ولكن ذلك أثار حفيظة حسين فقام بالأتصال بالشاعر خلف المشعان والذي يسكن مدينة الرياض ودعاه أيضاً ليكون الطرف الآخر في الأمسيه وقد أخبره ما كان بينه وبين زميله الآخر فلم يكن جواب أبوموسى إلا كعادته ( أبشر بعزك ) مع العلم أن يوم الأمسية يتعارض مع الدوام وأيضاً كان قبل الراتب بيومين ( يعني أزمه للي يبي يسافر ) والسياره فالورشه والعين على عرعر حوالي 1000 كم ولكن كل هذا لم يعيق خلف المشعان عن الحضور وقد ألقى هذه القصيده
[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
هبت هبوب الطيب يامدور الطيب = وأنا مع أهل الطيب هبت هبوبي
جيت أكمل الفرحه بعين المعازيب = ماني مخيب هقوة اللي هقوبي
أغيب وأفصل عن دوامي ولا أغيب = عن فرحة اللي لا حضرت فرحوبي
أهل الحميا والكرم والمواجيب = مالي عذر عن لابتي لا أنتخوبي
أتعب على دربً يجنبني العيب = أخير من دربً يبين عيوبي
ما كني ألا الزير في حضرة كليب = يوم البليهي وجه الهرج صوبي
قال أنت ولا الذيب قلت يخسى الذيب = فصل وأنا ألبس ليلة العرس ثوبي
وطبعاً بما أني واحدً من المعازيب = بعد الشعر دحه وشوطين جـوبي[/poem]
وكان رد حسين البليهي لخلف المشعان في اليوم الثاني عبر الجوال وبصوت العريس نفسه
[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
ياخليف صوّت بالعشا واطعم الذيب = والاّ من الفدعان مانت محسوبي
ربعٍ نشامى بس بلاهم عذيريب = كفوفهم عن الكرم ماتتوبي
ربعٍ تسابق وتْزارق على الطيب = يوم الردي للطيب كفه هيوبي
صوبتها صوبتها علها تصيب = للشاعر اللي بالقصايد صيوبي
يامرحبا به عد ماحنّت النيب = وعداد ماساق السحاب الهبوبي
وعداد راسي ماتغطرف به الشيب = وعداد مافظن يديني جيوبي
وعداد ماذنب وارتكب بالخفا عيب = وعداد ماالله ساترٍلي عيوبي
ياعل شمسك يابيض الوجه متغيب = وشمس العدو ياعلها للغروبي
مابيننا ياخليف شكٍ ولاريب = وعن البليهي والبلاها تنوبي
اقلط وصوت بالعشا للمعازيب = والاّ من المضْيان مانت محسوبي [/poem]
وسلامتكم
أرجو أن تحوز على بعض الرضى
لكم تحياتي
أخوكم
خفجـــاوي[/align]
المواضيع المتشابهه
العرض العادي
