((( أنا غير أنتم ولي ذووق خاص ممكن زيارتكم )))

[عبدالله العوفي]

يا قرب واشنطن و لندن و باريس
حذفة عصا للي رصيده ملايين
و ياعز حالي للرجال المفاليس
اللي تضايقهم وجيه الديايين
و اللي قضى عمره وهو خالي الكيس
ما شاف من دنيا الورا الاعمى العين
يصير في عين البشر كأنه ابليس
يا كثر زلاّته وهو ما عمل شين
يارب يا ساتر على اهل النواميس
يا مسهّل ارزاق الضعاف المساكين
تفرج لمن ضيّع جميع المقاييس
يا ضيقتي و الناس ما هم بدارين

الشاعر /علي القحطاني

[عبدالله العوفي]

قالوا حبيبك يالمولع تزوج .... قلت المقدر كان والامر لله

ياناس خلوني في دربه مكوز .... كني جدار طايح عقب مبناه

اللي معاديني في الافراح ركز .... حطوا علاه من الطرب ثم سواه

يا ليتني ما جيت يومه يتطرز .... لابس لباس ابيض واحلالاه

[عبدالله العوفي]

هو الحي الذي لايموت

سبحان من بيده الاعمار.......روحِ يهبها وياخذ روح

كل نفس عنده لها مقدار.......تأخذ اجلها وثم تـروح

[عبدالله العوفي]

إلا الصلاة

إحذر تهاون وتترك فـرض.......وإغنم شبابك قبل لا تشيـب

قدام تطوى عليـك الارض.......وشمس العمر يالحبيب تغيب

[عبدالله العوفي]

وفوق كل ذي علم عليم

المرء مهما صنع وانجز.......حتى اكتشف عالم الذرّة

فالعلم مهما بلغ يعجـز.......يخلق من الكون لو ذرّة

[عبدالله العوفي]

الكبرياء لله

على أيش مغترَّ يامسكيـن.......وش هو مكانك من الإعراب

كيف إتّكبر وأساسك طيـن.....ونهايتـك فالأخيـر تـراب

[عبدالله العوفي]

ماكل ما ينعرف ينقال

ما كل ما ينعـرف ينقـال.......بعض الحكي فالخطر غاية

إختر لسدك ثقات رجـال......قرارهـم مالـه نهايـة

[عبدالله العوفي]

فضيلة الصمت

أهل السفاهـة تجاهلهـم.......أبلغ إجابة لهـم سكـوت

في لغوهـم لا تجادلهـم.......بالصمت كمد السفيه يموت

[عبدالله العوفي]

العفو

بحلمي أصفح عن الجاهـل......اللي بجهله حسبها ضعـف

لو كنت اراعيـه يستاهـل......إنـي أرد الأسيـة ضعـف

لكـن ماهـيّ بالسـاهـل......من شان جاهل اخالف عرف

ياللي من المعرفـة ناهـل......لاخّطأ عليك الجويهل أعـف

[عبدالله العوفي]

بين الرجاء والياس

شتّان بين الرجاء والياس......في راحة القلب وأحزانـه

لكن ما يستوون النـاس......كلً علـى قـدر إيمانـه