وامسيت اعاني طلقةٍ مثل التـي صابـت طـلال000‎

[سنا برق]

الليل طال وسهر عيني من غبون الوقـت طـال

ويفرح بطول الليل جفن اللي رقد ماهـو عليـل

اليوم جسمي بالجنوب ونبض قلبـي بالشمـال

ليلي طويل الله يعيـن الجفـن بالليـل الطويـل

ياجرح قلب اللي عشيره بالعرب صعـب المنـال

لاصار قلبه من جميع البيـض مايرضـى بديـل

والله فلا ترقد عيـون اللـي فقـد ذاك الغـزال

اللي رماني مع براد العصر فـي جـال المسيـل

انا هقيت ان المحبه ريـف روح وطيـب فـال

ماكنت اظن العوق للمخلوق بالرمـش الكحيـل

وامسيت اعاني طلقةٍ مثل التـي صابـت طـلال

اللي رمت شيخ العرب بالغـدر والخسـه قتيـل

ريمٍ حلاهـا فـاق غيـره بالجمـال وبالكمـال

رمشه رماني في سباريت الخـلا عابـر سبيـل

واشيب عيني كان شوفه صار في حكم المحـال

وشفت الركايب عقب زين الوصل نادت بالرحيل

وين انت ياراع الربابه هاتهـا ياابـن الحـلال

خله كما ذيبٍ براس الجال تسمـع لـه عويـل

واسجع بقاف اللي يسوق القاف بالدرب العـدال

ورزقك من اللي لادعيته بالدجـى ماهـو بخيـل

اشكي صواديف الزمان اللي خذت زيـن الـدلال

واشكي من هموم القهر والغبن والحمل الثقيـل

اطوي سباريت الخلا والشمس بوقـوت الـزوال

القيظ يكويني وانا عطشـان والممشـى مليـل

لو شفت بيرٍ في رفاع القـاع ماعنـدي حبـال

والسدر عندي بس اخبر السـدر مافيهـا مقيـل

وما الوم وقتي كان ميزانه بـراع الجـود مـال

هذا جزاء اللي مع صحاصيح الخلا ينسى الصميل

لاشك جور الوقت ما جامـل عمـام ولا خـوال

ولا هو غريب لا قـدح بظلوعنـا قـدح الفتيـل

ولو كان ماياطى سوى اللي داس بدروب الخمال

ماسال دم الظلم والعدوان مـن عكـب الخليـل

وان ذقت نار الغـدر فالغـدار لـه رب الجـلال

وعيبٍ على اللي ساق للغدار من غـدره مثيـل

تابى شمايلنا هزيل الهـرج لـو طـال الجـدال

والا نجي درب الهبايل والسبـب هـرج الهبيـل

واللي رجيت فزوعهـم للنفـس لاطـال النـزال

كلٍ بصف الخصم شال بوجهنـا سيـفٍ سليـل

يمكن هلال العيـد ماينشـاف عنـد اول هـلال

وبدر السماء بالنصف مايحتاج لظهـوره دليـل

كل العرب تشهد مع اللي شـال حمـلٍ مايشـال

مار الفخر بين العرب باللـي يـردون الجميـل

اكره دروب الهون برجالٍ رسـت مثـل الجبـال

والا بوار النفس بأهل الطيـب لا بـار العميـل

والا فأنا من فضل رب العرش راسي فوق جـال

واقوى على ممشى الظمى والقيظ والزمل الهزيل

وان كان تعديل الطبايع بالعرب مـا لـه مجـال

ماواحدٍ منـا بحكـم الله علـى الثانـي وكيـل

الشاعر والرواي : فواز بن فهد الغسلان

[شمس الرائدية]

صح لسانك .. ولسان شاعرها
يعطيك ألف عافيه

[سمح المحيا]

قصديه رائعه للغسلان

واختيار جميل

لاهنت يا سنا برق

[فتى التحفيظ]

اختياارررررررررر رائع .....

الف شكرررررررر

[mύβαřαķ αlsαhli]

يعطيك العافيه على الطرح ] × ~



[mark=#000000]تشكرإآتي[/mark] ] × ~

[عزيزة نفس]

قصيدة راااائعه



صح لسان شاعرها



وتسلم يمينك

[سنا برق]

لاهنتوا على المرور العطر

تحياتي

[فتى الرائدية]

[align=center]

تسلم ع القصيدة الرااائعه
[/align]