[align=center]السلام عليكم ورحمة الله وبركاته
"قصة مديرة مدرسة عزباء"
تدور القصة حول مديرة مدرسة عزباء غابت عن المدرسة يومين وحين عادت
لمدرستها قابلنها المدرّسات بالسؤال والسلام وينك يا مديرة؟
قالت لهم: باركولي تزوجت.
قالوا المدرّسات: ألف مبروك.. بس مين سعيد الحظ؟
قالت لهم: بصراحة زوجي هو زوج وحدة فيكم!
المدرّسات: تكفين علّمينا أي وحدة منا؟
قالت المديرة والله ما أعلمكن.
المهم لزّموا عليها..
قالت: أنا ماني متكلّمة..
لكن اللي تبي تعرف هو زوجها وإلاّ لا تجيب بكرة معها 500 ريال
وإذا جت توقّع تحطها على الطاولة.. واللي آخذ فلوسها معناه زوجي ما هو
زوجها .. واللي أخلّي فلوسها على الطاولة وما آخذها فهو زوجها...
عيب عليّ أتزوج زوجها وآخذ بعد منها 500 ريال!
وافقت المدرّسات على هذه الطريقة.
ويوم جاء بكرة .. وكل وحدة مزهّبة معها الفلوس ..
جت الأولى والثانية والثالثة والرابعة حتى العاشرة والمديرة تاخذ الفلوس..
يوم جت المدرّسة الـ 11 بدت المديرة تتأفف .. المهم حطت الفلوس على
الطاولة..
قالت لها المدرّسة: تكفين خذيها يالمديرة
قالت المديرة: اعذريني قالت المدرسة كانّها قليلة حطيت ألف بدال الخمس مئة ..
قالت المديرة: أووووووووووووه معليش أثرك أنتي أستاذة .... والله إنّي
آسفة غلطت!
تنفست المدرّسة وقالت: الحمد لله يعني بتاخذين الفلوس؟
المهم أخذتها المديرة..
ودخلت بقيّة المدرّسات حتى الـ 23 والمديرة تلعب بأعصاب كل وحدة وفي
النهاية تأخذ الخمس مئة ريال .
المهم بقي مدرّسة واحدة ماجات.. اتصلوا عليها المدرّسات: هاه وينك يا
أستاذة؟
قالت: والله إنّي تعبانة وماني جايّة.. هاه من صار زوجها اللي متزوج
المديرة؟
قالوا لها: لين الحين مابيّن شي والمديرة عيت تاخذ الفلوس لين نحضّر كل
المدرّسات (يلعبن عليها بس يبونها تجي عشان يطّمّنون إنها هي لأنه ما
بقى إلاّ هي)
وقالوا لها المدرّسات: لازم تجين تكفين ..
المهم جات تسحّب رجليها بالقوة ويوم جات تدخل.. المدرّسات كل وحدة
مبسوطة إنه ما هو زوجها هي وبدأوا يسلمّوا على المدرسة الـ 24 عشان
ما تنصدم!
دخلت المدرّسة الأخيرة غرفة المديرة وحطت باقي المدرسات يديهم على
قلوبهم وحطت المدرسة الخمس مئة ريال على الطاولة وضفتها المديرة.
يوم طلعت لقينها عادية وما صار شي وفلوسها أخذتها المديرة!
قالن: يا بنات فيه وحدة منكن ما أخذت المديرة فلوسنا؟
قالن: لا والله كلنا أخذت فلوسنا.
ودخلن المدرسات على المديرة وقالوا: أخذتي الفلوس من كل المدرسات
تلعبين علينا .. منهو زوجك؟
قالت المديرة:
المهم الفلوس (12500 ريال) ما راح ترجع .. وأنا والله لا تزوجت ولا شي لين
الحين عزوبية!!
والله كنت مريضة هاليومين.. ولكني أطلبكن قبل شهر تدفعن على 100
ريال نصلّح المصلّى ولا وحدة منكن دفعت .. قلت والله لأدفّعكن 500 ريال
نصلّح المصلى ونشتري مصاحف وقف للمسجد.
قالن المدرسات: بردها الله بالعافية فداك الفلوس ولو تبين زود عطيناك هو
صدق بس رجالنا ما تزوجوا علينا!
محبكم ،،،[/align]
المواضيع المتشابهه
قصة مديرة مدرسة عزباء ؟؟؟!!!
وفقك الباري 
العرض المتطور
