حذفت وشطبت اسماء ثلاثة مْن الارقام
مسوين زحمه يابوفارس بْجوالي
ثلاثة من الخفحي ولاهم مْن الدمام
ولاعدهم باول ولا اعدهم تالي
هياكل ورى فلاشات ومطارد الإعلام
رصيد المراجل عندهم خابره خالي
لكن انت ابن مجوي صقر نادر ومقدام
نعدك ولا نجهلك في كل الاحوالي
مراجلك ماهي فبركات وخدع وافلام
مزاياك ماتحصى وعند العرب غالي
زعيم المكارم وانت لطايله سوام
سنافي ومنصا صرت تضرب بالامثالي
صقر بسمك وفعلك على اسمك بذكره حام
غدى بين الالسن مع هل الطيب ينقالي
حشيم ويجونك من جميع الديار حشام
مجالسك دايم للمطاليق مدهالي
على خدمة الضيفان حطيت لك خدام
وللواجبات عيالك شداد ورجالي
تنومس بني عمك ودايم سند وحزام
تجود وتسوق الجود بالجاه والمالي
على بند واحد ماتغيّر مع الأيام
على الوجة الاكمل مالك الوان واشكالي
عسى الله يمدك بالعمر بالحياة اعوام
وتبقى عزيز وشامخ ومنزلك عالي
مدحتك ومدحك مد شعري فخر ووسام
وانا ابخص وعرفي مدركٍ فيه مدخالي
المواضيع المتشابهه
العرض العادي
