بدون مقدمـــات لكــم روميــو وجولييت
عسى ان تحوز على رضاء اذواقكـم
الراقيــــــــــــه 
[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا ( روميو ) ما عاد في قلب ( جولييت )=شــيءٍ يذكّـرهـا بـحـب البـدايـه
جفـت مشاعرهـا وفيهـا الغـلا ميـت=واسـدل علـى حبـك ستـار النهـايـه
لـو انهـا اغلـى مارجيـت وتمنـيـت=ولـو انهـا بالزيـن والحـسـن آيــه
راحت مثـل مـاراح مجنـون تكريـت=وصـارت حكايتهـا الغريبـه حكـايـه
صارت بقلبي ختـم رسمـي ومنشيـت=سحـر يتجـدد كـل يــوم بحشـايـه
اقدارنـا تطـرب لصـوت التناهـيـت=واحلامـنـا ماتحملـتـهـا روايـــه
صرنـا مقابـر والقـلـوب التوابـيـت=والحـظ الأقـشـر لابسيـنـه عبـايـه
ياوجد قلبـي كـل ماضحيـت وامسيـت=وجـد اليتيـم اللـي بـلا ذنـب تايـه
وياسـم حالـي لنتخـيـت وتعـزويـت=ورفعـت صوتـي بـس ماحـدٍ معايـه
وانا انتظر مسيـار طيفـك مـن اقفيـت=وارسمك درب وخطوتـك هـي خطايـه
واتخيلك واسمعـك فـي كـل ماوحيـت=واشـوف وجهـك فّـي وسـط المرايـه
واراجع الماضي عسى معك ما اخطيـت=واعرف خطـاك انـه سبايـب خطايـه
اني معاك اسرفـت بالحـب واعطيـت=وحذفـت كـل ظنـون شكـي ورايــه
وانـي معـك بالعمـر مايـوم شحيـت=ووفاك مـا يعـادل ربـع مـن وفايـه
اخذتنـي كلـي ولا عـادنـي جـيـت=حـدّي بنفسـي يـوم لـي معـك رايـه
ولعتـنـي تولـيـع قــازٍ بكبـريـت=وابعـدت رجلـي عـن دروب الهدايـه
انشهـد انـك فـي جنونـك تمـاديـت=وانشهـد انـي معـك اخـذت الكفايـه
لـو انـي القـى دواء لحبـك تداويـت=بـس المصيـبـه لا دواء ولا وقـايـه
هاذي سواتي وانت لـي ويـش سويـت=يـا مروجـه كـذب الوهـم والدعايـه
انـا انتظـرت ومـل صبـري ومليـت=والجـول لأبـعـد ماتفـيـد الرمـايـه
هـاذي نهايـة قصـة الحـي والميـت=ذكـرى جنـون اوهـام حـب البدايـه [/poem]
رومـــــيو & جولييـــــــت
العرض العادي
