كلا يقول سلبياته

[دانة الكون]

عن العين يا هدوء المطر
خايفه عليه
يعني تبين تقولين لنا ان اخوك حلو >>> ماشاء الله الله يخليه لكم ولزوجته ويحليه بعيونها ويحببها فيه.
يمكن فيه سبب ثاني وماتقدر تقوله ،، ويمكن هي شينهوماتبي تكون محط مقارنه تصير هي فيها المظلومه.
كنت بعلق بشيء بس خفت تزعلين.

[أبووصال]

قولي يادانه شوقتينا ....لان عندي انا بعد شي كنت باقوله:d بس اقوله بعدك

[دانة الكون]

والله ودي اقوله بس احس قويه شوي واخاف البنت تزعل انا وانت ونايف صرنا من اهل البيت مانزعل من بعض "والله ما ادري عن نايف "غاط باخبار الخفجي ومزاعلنا وماسك شوشه المسبار هناك الحمدلله خلني اريح شوشتي شوي.
بس فيه عرض باحد المواضيع هناك محرررررررررج وقوي من السوسه لصاحبه الموضوع.
والله استحيت يوم قريته وشلون هي المسكينه موقف لا تحسد عليه.
اقول لو تقرونه انتم احسن "حديث نفس لمن يجروء".
بروح اتفرج عليهم شوي وارجع نكمل.

[نايف عايد]

اقتباس المشاركة الأصلية كتبت بواسطة دانه الكون والله ودي اقوله بس احس قويه شوي واخاف البنت تزعل انا وانت ونايف صرنا من اهل البيت مانزعل من بعض "والله ما ادري عن نايف "غاط باخبار الخفجي ومزاعلنا وماسك شوشه المسبار هناك الحمدلله خلني اريح شوشتي شوي. .

الله يحفظك يااختي مراقبتني ..

صايرة دبوس علينا..ماالوم ابووصال يخاف..

تراه هو اللي ماسك شوشتي..

تحياتي لك واشواقي..

[دانة الكون]

اقتباس المشاركة الأصلية كتبت بواسطة نايف عايد الله يحفظك يااختي مراقبتني .. صايرة دبوس علينا..ماالوم ابووصال يخاف.. تراه هو اللي ماسك شوشتي.. تحياتي لك واشواقي..

ويحفظك لاهلك يارب
لا والله ماني مراقبتكم بس شدني كم موضوع يوم شفت اسمك قلت يمكن تبي نفزع لك ونعاونك وقاعده انتظر اشاره تخبر مشرفنا ونبي نبيض وجهك قدامهم >> وبعدين وشلون عرفت عنك معلومات الا من الردود
خايف لا خلاص هذاك اول الحين على المكشوف.
امزح ابو وصال لا تطنا علينا.
تامر بفزعه تبي نطب معك حاضرين نعاونك و نقطع شوشته.

[نايف عايد]

اقتباس المشاركة الأصلية كتبت بواسطة دانه الكون ويحفظك لاهلك يارب لا والله ماني مراقبتكم بس شدني كم موضوع يوم شفت اسمك قلت يمكن تبي نفزع لك ونعاونك وقاعده انتظر اشاره تخبر مشرفنا ونبي نبيض وجهك قدامهم >> وبعدين وشلون عرفت عنك معلومات الا من الردود خايف لا خلاص هذاك اول الحين على المكشوف. امزح ابو وصال لا تطنا علينا. تامر بفزعه تبي نطب معك حاضرين نعاونك و نقطع شوشته.

لا يااختي بالعكس أمزح معاك من باب الضحك نكتب وكثرة الأبتسامات لأني من قريت ردك على ابووصال فطست من الضحك..

الله يحفظك ياااااارب..

[دانة الكون]

اقتباس المشاركة الأصلية كتبت بواسطة نايف عايد لا يااختي بالعكس أمزح معاك من باب الضحك نكتب وكثرة الأبتسامات لأني من قريت ردك على ابووصال فطست من الضحك.. الله يحفظك ياااااارب..

اي رد قريت
بيصفقنا ابو وصال.

[هدوء المطر]

لا والله اخوي موبهذاك الزين وهي ما شاء الله عليها حلوه , موبس هي عندي صديقات هم بعد يغيرن على أزواجهن يجيبن العكس وينقدن على أزواجهن قبل كنت أقول يمكن يخافن من العين بس مو لهدرجه..
قولي يا دانه ماراح أزعل,وشوي شوي علي ياأبو وصال وغريبه مستحي تتكلم

[دانة الكون]

اقتباس المشاركة الأصلية كتبت بواسطة هدوء المطر لا والله اخوي موبهذاك الزين وهي ما شاء الله عليها حلوه , موبس هي عندي صديقات هم بعد يغيرن على أزواجهن يجيبن العكس وينقدن على أزواجهن قبل كنت أقول يمكن يخافن من العين بس مو لهدرجه.. قولي يا دانه ماراح أزعل,وشوي شوي علي ياأبو وصال وغريبه مستحي تتكلم

اول بجاوبك على هذا الجزء
شوفي يا طويله العمر مره اخوك تحب اخوك لدرجه الجنون قولي ليش؟
ابي اعتبر انك قلتي واجاوب،،، لانها تغار عليه من الناس كلها ولا تبي احد يشوفه زين والكل ياخذ فكره عنه وما تدرين يمكن مطلعه فيه عيوب الدنيا ،، وكل هذا ليش؟ علشان محد يحط العين عليه وحتى انتم يا اهله بتشوفونه بالصوره الي هي تبي من كثر ما تعيد وتزيد>> كثر الدق يفك اللحام.
اضرب لك مثل "بس إذا صاح انتي سكتيه لاني ضربته علشانك" لما تروحين لمحل ويعجبك شيء وتجيك وحده تقول وووووووع وش تبين فيه مو حلو وش هالذوق و و الخ
وش تسوين ما تتركينه.
وابي اضرب الثاني وسكتيهم مره وحده >> لما تجين بتاكلين اكله او تكونين عند وحده من صديقاتك وتقولين لهن اي وحده من الحلا احسن ولا تختارين وحده وتقول لك لا لاتاخذينها طعمها مو حلو وإذا اصريتي على رايك قالت لك كيفك انا حذرتك وانتي حره هنا تخافين تتورطين >> وتطبقين المثل الي يقول الف قوله جبان ولا قوله الله يرحمه وش دخله.
ولا بتاكلين اكله وتقول اختك لا مو حلوه >>تتركينها على طول لان اختك تعرف ذوقك واي احد يبي ياكل هذي الاكله قلتي ماهي حلوه وانتي ماذقتي شيء >> فيه مثل بس والله احسك ماراح تستوعبينه بس اسئلي اهلك عنه يقول (واحد قال للناس يااااااااااااازين طعم السكر زيناه "ايام الفقر والشح" قالوا له الناس ذقته قال لا ولد عمي شاف من ذاقه من وراء الخيشه) ياخال ابوي حك ظهري ،، والجديد على الساحه الفنيه "وين اذنك ياجحا".
ونفس الكلام ينطبق على صديقاتك وبعضهن تقول ليش امدحه عندهن ويصكني عين مع الخيل ياشقراء وش ما قالن قلت.
بعدين ترى ابو وصال انسان خجول ليش تقولين غريبه يستحي بس هو علشان حنا على طول متماسكين الشعر تعودنا على بعض صرنا اخوان >> زي ما تكافخين مع اخوانك بالبيت.
امممممممم وعد ما تزعلين.

[دانة الكون]

ايه نسيت اقول لك قولي لصديقاتك الي مو معجبها رجلها تتركه لك
وشوفي النتيجه.