(( صوت العقل )) للشاعر : فيصل بن طوالة ...

[أبو فهاد]

السلام عليكم ورحمة الله وبركاته ،،،،

هذي آخر قصائد الشاعر : فيصل بن طوالة ..







التناكر بين (( خلق الله )) بدى

.................................... صار هذا تقل مايعرف هذاك..!

(( الفتن )) خلت رفاقتنا \ عِدى

.................................... (( والوجيه البيض )) تطعن في قفاك..!!

إستمع صوتي \ ولاآبيلك صدى

.................................... ذاخرٍ (( ياذيب للمرقب )) اعواك..!

بح (( صوت العقل )) من طول الندى

.................................... إلمس المحسوس \ وإستخدم ذكاك..!!

(( فرصة التغيير )) لاتذهب سُدى

.................................... قبل تبدى .. خطوتين \ إرجع وراك..

طيبتك مع (( بعض خلق الله )) ردى

.................................... لاتواضع (( وأسفل العالم )) رقاك..!!

الحقيقه .. زيف \ والمصلح .. غدى

.................................... والنصيحه \ أوشكت تصبح هلاك..!!

لاتقول : إن مالي \ ومالك جدى

.................................... (( ياعزيز النفس )) ماينفع غنَاك..!!

وش عشاك .. وإنت ماتلقى غدى..؟؟

.................................... لاتقول : إن الغدى \ تالي عشاك..!!

أدري إن (( العافيه )) ثوب \ ورِدى

.................................... لكن .. الخوف \ المرض .. إذا أعتراك..!!

للطموح إن مات (( واحدنا )) فِدى

.................................... البلا لاعشت \ ماحيٍ رجاك..!!

للعطش .. غيمه \ وللورده .. ندى

.................................... والوسيله \ قد تبرر مبتغاك..!!

(( إنحلال المجتمع )) ماله مدى

.................................... ناظر أصحابك \ قبل تنظر عداك..!!

الفساد (( بدُورنا )) قام يحدى

.................................... أضعف الإيمان \ تسأل .. وش بلاك..؟؟

(( النبي )) بدّل ضلالتنا \ هدى

.................................... بس مايقدر إذا \ ماالله هداك..!!









الشاعر : فيصل بن طـــوالة ...

[أبو حاتم ..!]

يوووووووووووووه يابو فهاد ..



والله ثم والله ثم والله انه راااااااايقه هالقصيده ..




وشلون ماتصير رايقه وشاعرها فيصل الطواله وناقلها انت ..





لا خلا ولا عدم ..

[سامي الشمري]

هلا و غلا


أبــو فهــّــاد


صــح لســان الشــاعر فيصـل الطوالــة

و تسلم يمينك على النقـل الرائــع

تحياتي لك

[نواف الفهاد]

أبــو فهاد ..
مبطي .. وأنا ..أتحراك .. تجيب الثمينة ..!!
وفعــلاً .. وصلت .. وجيت ..
كلك حــلا .. !!

:
:

قصيــــدة .. عشرة على عشرة ..
وزي ماقال .. الغــالي .. أبـــــــــو فريج ..
رااااااااايقة .. هـ القصيدة ..!!

:
:

لك كـــــــل الغـــــلا...
سلالالالام ..!!

[مشاري]

مشكور اخوووووي

ابو فهاد على النقل

المتميز

وصح لسان الشاعر بن طوالة

الف شكر


اخوك مشاري

[أبو فهاد]

هلا بكم هلا ....




والله لايخلينا منكم .......

[أحمـــد]

صح لسان ابن طواله ....



وسلمت يمينك على النقل الرااااائع ...


لاهنت يابو فهاد .... وتقبل فائق الاحترام والتقدير




Thank You All

[ابتسـ ألم ـامة]

هــلا وغــلا
أخوي أبو فهاد

اقتباس (( إنحلال المجتمع )) ماله مدى .................................... ناظر أصحابك \ قبل تنظر عداك..!! الفساد (( بدُورنا )) قام يحدى .................................... أضعف الإيمان \ تسأل .. وش بلاك..؟؟ (( النبي )) بدّل ضلالتنا \ هدى .................................... بس مايقدر إذا \ ماالله هداك..!!

قصيدة قمة بالروعة


صح لسان الشاعر مليوووون



سلمت يمناك لهذا الاختيار المميز




دمت بود





كلمــات مــن ذهــب
اللهم زيني بالستر والعفاف /// واسترني بلباس القنوع والكفاف
واحملني على العدل والإنصاف /// وآوني من كل ما أخاف
بعصمتك يا عصمة الخائفين