تكميم
لاصار للمعده يسوون تكميم
يحتاج فم النـــذل تكميم يحتاج
اللي تعرضني وسط مجلس دهيم
جابوا لي علومه مفرج وفراج
مالي معه والا معي له مقاديم
مافيه لامدخل ولا فيه مخراج
مابيني وبينه وصيه وتقسيم
لامعتمر فيني ولافيه حجاج
مادام حددته مايحتاج تعتيم
مانيب دامح زلته كل منعاج
ملزوم بسوى على اسمه تعاميم
حتى يعرف السالفه مطلق حجاج
اسمه فراغ وفيه نقطه وتضخيم
ماتوجد حروفه مع ساحل العاج
واسم القبيله جاه منحه وترهيم
ماينبذ المنقود يشحذ ودواج
في نجد والا في هجر شد ويقييم
ماصار له في ساحة الواجب ابراج
مالاقت الرتبه ضعيف المفاهيم
ماهوب فالح لو مع نجمته تاج
قعودٍ اوضح فيه وبرة مجاهيم
خاله على ذكره محجم وحواج
ماله شدادٍ فيه فايز وتهزيم
السوط هو نفسه نسميه كرباج
مابان في شعره صفاوه ولاغيم
سماه خالي فيه الابداع ماراج
اللي يحسب الشعر مقطع وتصميم
ومكسرات ابياته اخراج وانتاج
لايحسبٍ الشعر في درع تكريم
والا على البشرة مساحيق مكياج
ياللي نقلتوا وصلوا له و تسليم
قولوا ترى شرواه ماسبب ازعاج
ماهو كفو تقليل قدره وتحشيم
من قبل له عندي عن الوصل مزلاج
جته القصيدة في حلاوه وتسميم
واليوم وضعه عند نفسه له احراج
المواضيع المتشابهه
العرض العادي
