[align=center]
السلام عليكم ورحمة الله وبركاته
أهداء إلى مجلس الدهامشه بمحافظة الخفجي خاصه ..وأهداء للدهامشه عامه ..
[frame="7 98"]
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا ما حلا يا رجال شرب الفناجيل = في مجلسٍ بالطيب يرقى سنودي
المجلس اللي شيدوه المشاكيل=عيال عم وبالمراجل فهودي
أنشهد أنه فيه تحلا التعاليل =سوالف من عصر ماض الجدودي
فيه الرجال أهل الشحم والمعاميل =أدناهم اللي بالمكارم يزودي
الطيب بيتٍ لنشاما مداهيل =ولا يستوي بيتٍ أبليا عمودي
فيه الرجال اللي كما نجمة سهيل =يلمع بريق أمجادهم بالوجودي
تاريخنا بالكون مابه تجاهيل =ولا ينكره يا كود لاشٍ جحودي
حنا الرجال اللي على العايل نعيل =اللي على الشده نصون العهودي
حنا الرجال مدسمين المصاقيل =عند اللقى ربعي تضد الضدودي
حنا (محددة الجمل) بالمصاويل =(دهامشه) سمٍ بكبد الحقودي
ليا أنتخت بالصوت بنت الحلاحيل =نقدم ولا جانا من الذل عودي
ليا مشينا شرق وإلا تشاميل =ناطا الخطر مانتقي بالنفودي
حنا الرجال اللي نحل الغرابيل =لا كبرت القاله تعود سهودي
نارد حياض الموت مثل المهابيل =صغيرنا ينطح لحاله حشودي
الخوف ماله في حدينا مداخيل=عدونا يوضع بوسط اللحودي
قلته وأنا من روس قوم مشاكيل = يومن صعبات المراجل تكودي
يشهد لنا التاريخ جيل بعد جيل = (مجلاد)ستر منقضات الجعودي
حنا (الدويله) كاسبين التنافيل =(دهامشه) عودٍ بعين الحسودي
وباقي القبايل في ضميري أكاليل = ورد وريحان ومسك وعودي
اليوم حنا تحت راية هل الخيل = (آل السعود ) معربين الجدودي
حكامنا اللي بالملاقا قواتيل = ركظاتهم تبرى عليل الكبودي
كم طامعٍ فيهم قليل المحاصيل = أسأل وتلقى للفعايل شهودي
أمجادهم ما تنحصر بالتماثيل = الله يديم الأمن بأرض السعودي
[/poem]
[/frame]
[/align]
المواضيع المتشابهه
العرض العادي
