"
"
"
يامنتهي الشرهه تجيـك المشاريـه
النفـس لاجرحـت يبيـن زعلهـا
الشعر زعلته وجـت لـك معانيـه..""
وان طافتك هـذي تحـرى بدلهـا !!
لوجيت ادور لك عذر وين الاقيـه
تجاهلـك حتـى اعـذاري قتلهـا
انا اعرفك لو ينشري الطيب تشريه
لكن حسافه ليـت غيـرك فعلهـا
ان كان في نفسـك كـلام مخفيـه
الكلمه اللي تحـرج النفـس قلهـا
مهوب انا اللي خمس كلمات ترضيه
النـاس يافـلان تقـاس بعملـهـا
بعض الاوادم ضحكه الزيف تغريه
لين يتجـرع سمهـا فـي عسلهـا
واللي عن الواجب طواريه تعميـه
تمر...ميـلات الخطـا ماعدلـهـا
واللي عيونه تنخدع فـي مباريـه
لو كلمتـه عوجـا عشانـه قبلهـا
واللي نسى يعرف عـدوه ومغليـه
نفسه تساوت علمهـا مـع جهلهـا
هـذاك ياكـود القصايـد توعيـه
حتى يعرف ان المشاعـر خذلهـا
من صد ..عني عمد ولله مارجيـه
لو حاجتي عنده حشا ...لااعتزلها
انا من اللي عـزه النفـس تغنيـه
مـاذل نفسـي للحيـاه وغزلـهـا
وانا من اللي حاضره مثل ماضيـه
لااكبـرت القالـه تعـود لااهلهـا
كللـن تحثـه للمعالـي هقـاويـه
بـس الثقيلـه مالهـا الا جملـهـا
الصاحب الطيب على الروح ابديـه
والا الثعاله تنكشـف مـن حيلهـا
من ترده الشرهه تجيـه المشاريـه
النفس لااجرحـت يبيـن زعلهـا
وصح لسان شاعرها,,ودمتم سالمين,,
,
,
للشاعر المبدع عبيد الازمع.....
المواضيع المتشابهه
العرض العادي
