[poem=font=”Simplified Arabic,4,black,normal,normal” bkcolor=”” bkimage=”” border=”none,4,gray” type=2 line=200% align=center use=ex length=0 char=”” num=”0,black” filter=””]
مع السلامه وهي ماهـي مـن الخاطـر=قـررت أودعـك توديعـه بـلا رجعـه
وانحي سوات النفيض اللي بـلا ماطـر=قفيت عنّْـك وانـا فـي داخلـي وجعـه
طـال انتظـاري وانـا متأمـل وناطـر=لكن حمام الوفاء .. لي .. ماطرب سجعه
بالأمس اجابـه لجـل عينـاك واخاطـر=واليوم ماعاد .. لي .. في يمتك نجعـه
شاطر في رأيك .. وانا .. بالرأي ماشاطر=كل(ن) .. على جنبه اللي ريّْحه ضجعـه
والآيه اللي تناسـب فيـك فـي فاطـر=وشخصيتك لو تطـاول مابهـا شجعـه
بيّـن نشـاط الكسـول وبيّـن الشاطـر=والهجر يامعذبي حـدك علـى الهجعـه
مهره أصيلـه ماهيـب الناقـه الفاطـر=والحـر ماتـاق طلعـه يمـة البجـعـه
وختامهـا وِخسـاره ماهـو العـاطـر=فجعتني فجعـة(ن) .. مابعدهـا فجعـه
[/poem]