كان ولايزال الشعر حاضراً في جميع قضايا و أحوال المجتمع العربي وكان حضوره مؤثراً وصوته مسموعاً.
هنا في هذا التقرير شارك الشعراء في التحذير من خطورة المخدرات أيماناً منهم بإن الشعر رسالة ساميه وهذا دوره الحقيقي.
…
يضيع عقله ولا للعقل طب وبديل
آفه ومن طاح فيها ماهنى فالحياه
.
تأكل خلاياء دماغه لين يصبح ذليل
ويضيع مستقبله وتهد بنيً بناه
.
الشاعر : دخيل الله بن علي
…
عش حياتك بارتياح ولا تكدر
والنصيحه لك هديه ماتباع
.
انتبه لاتضيع باسباب المخّدر
والله انه اكبر اسباب الضياع
.
الشاعر : محمد بن طواله ” شاعر الريم “
…
غـزونا جــنــود الـشـر بالسم والتدمير
غزونا هدفهم مجتمعنا يا شعب طويق
.
تواصوا بهم والوضـع مـا يقبل التأخير
نبي وقــفـةٍ مــنــهــا عــدو البلاد يفيق
.
الشاعر : #سعود_بن_حماد
…
ياجب علينا التكاتف مع حكومتنا
ونحارب الافة اللي مـابعدهـا افه
.
دمـار للمجتمع وايـضاً عقيدتنـا
شين يحيّر رزين العقل فوصـافـه
.
ان كـان مـاننتبه يـاكـبر غـلطتنـا
رحنا ضحايا السموم بجملة اصنافه
.
الشاعر: نايف ابن هندي
…
يا ابني كفاية وقف الله يخليك
عمرك أمانه لا تبيعه بنقصان
.
تمشي طريق وعارفه انه يوديك
للهاوية وبكل الأحوال خسران
.
تكفى ترا يمديك ومادام يمديك
لا يضيع باقي عمرك بسكة إدمان
.
ياخي عشان عيون تبكي وترجيك
تبغا تشوفك يوم في صورة أنسان
.
الشاعر : جامع البلوي
…
لا تحط السم لأبناء جلدتك ولا تبيعه
انت مستهدف لكن احذر من اثار الجريمة
.
لا اللي اثاره بعيد ولا اللي اثاره سريعة
كل ابوها شر لكن خل في قلبك عزيمه
.
الشاعر : #فرحان_الحرش
…
الفوت لا من فات ما ينفع الصوت
والوقت ماي رجع ولا فيه رحمة
.
كم واحدٍ حدّوه الأشرار للموت
وإعلامنا بأخبار الأشرار زحمة
.
الشاعر : عبدالله بن عثمان السكران
…
اخطر آفات البلد فتك وخطورة
والدمار اللي بلا حرب وذخيرة !
.
سلعةٍ جت تختلف في كل صورة
متلفه للعقل والجسم وخطيرة
.
الشاعر / حسين النجراني
…
آفه تدب في مجتمعنا من سنين
تدمير شامل،،، والعواقب وخيمه
.
وبإذن الولي حملة حفيد السلاطين
تقضي عليها،،، والعزايم عظيمه
.
الشاعرة : روح الطموح
…
يا أهل العقول احذروا من آفة ٍ ماتطاق
فيها هلاك الشعوب وضيعة المجتمع
.
نار ٍ ليا ما اقبست تحرق جِلال ودقاق
وغير الحزم في مقاوم شرها مانفع
.
الشاعر : عاتق العواجي
…
الفكر يابن آدم يسير لك النور
نور البصيره قمته للمعالي
.
لاتنحدر حذراك في درب محظور
درب الخزى نهايته للهيالي
.
الشاعرة : أصايل نجد
…
نفسك امانه جنبها سكة الموت
و سوء النهاية حاصله بالمخدر
.
سم التعاطي آخره وسط تابوت
حنا على حرب الشبو دوم نقدر
.
الشاعرة : ذهبه الوايليه
.
ترا روحك اغلى من كنوز السماء و الارض
لا ترمي بنفسك فالتهالك و تنهيها
.
سموم المخدر لا عباده ولا هي فرض
عسى الله يجنّب كل غالي بلاويها
.
المها العطاوي
.
ضياع مال ودين ماهي تجاره
تجني على نفسك وتجني على الناس
.
وتقضي على الصحه وتصبح خساره
باب المخاطر والردى بين الاجناس
.
فهد الهبيري
.
ياشباب المسلمين اتنبهوا ثم احذروا
كل آفه تهلك الصحه و تهلك سمعتك
.
انتقو صحبه سليمه عقبها ماتخسروا
قيمتك ميزانها بين البشر من رفقتك
.
مريم الزهراني
.
ياحظرة الشعب السعودي وقفة الرجل الشجاع
بالـسـاعه اللي تحـشـد الـدولـه جمـيـع رجـالـها
.
نحـمـي وطنا من مصـدرت المـفاسـد والضـياع
ونقـضـى على اصحاب الفتن وسلاحها واعمالها
.
اهـل الشـبـو واهـل والمخدر مـالـهم معنا مـتاع
نـقـطـع يـد أعـداء للممـلكه ثـرواتـها واجـيـالـهـا
.
حـقـاً علـيـنا الـوقـفـه اللي تـلـجـم حلوق السـباع
تــمــوت مـاتـلــقــى مـعـانـا عـيـشـةً تـحــلالــهـا
.
صــنـداح الـزلامــي