مجلة الرائدية 

يالغزال المكمّل في جميع الصفات
أشهد إنك عن العالم بحسنك فرقت

.

تاخذ العقل كله ماتخلي فتات
قلت ألحّق على قلبي لكنّك سبقت

.

وجهك الممتلي بالنور كله حياة
من جميع إتجاهاتك عليّه شرقت

.

تنتهي عندك الآمال والأمنيات
يوم جيت وعشقتك أشهد إني عشقت

.

جيت لك من دروب التيه كلي شتات
ماسرقني أحد قبلك ومنك إنسرقت

.

غارقٍ في بحرك ولا طلبت النجاة
لو توديني الموت الحمر ما نطقت

.

كنت ضامي وجيت بدجلتك والفرات
وكنت أخاف الهوى والحب لكن غرقت

.

وكنت أحسب القطار اللي غشاني وفات
مايعوّد عليّه مير عاد وعلقت

.

وماتوقعت أشوفك بس فرصة وجات
كنت لاشفتك بحلمي صحيت وشهقت

.

خابرك ماتجيني غير وقت المبات
كل ماشفتني نايم عليّ إنطلقت

.

ويومك أقبلت تسحب خطوتك في ثبات
قلت هو حلم ولاّ علم ؟ لكن : وثقت

.

بإن ليلة لقاك من أكبر المعجزات
واكبر أحلامي اللي من سببه إختنقت

.

إفرح ولا تهلّ دموعك المرهفات
إنت تبكي وانا اللي من بكاك إحترقت

.

لذّة الوصل تنسينا هموم الحياة
ليتني قبل تمشي من شفاك إغتبقت

.

متعب النصار @Mt3bN