[poem="font="Simplified Arabic,5,#000000,bold,normal" bkcolor="#FFFFFF" bkimage="" border="none,4,#400000" shadow="1" type=2 line=0 align=center use=ex num="0,#400000""]
الهاجس الـي دائمـا ٍ يتعـب الـراس=امـضـيــقٍ صـــــدري ولا فــيـــه حـيــلــه
لاجيت برقـد طـق فـي راسـي اجـراس=اصـواتـهـا مــــن كــــل ديــــره امـهـيـلـه
ويـشــب نـــار ودق نـجــرٍ ومـحـمـاس=واركـــا دلالــــه حــــول جــمــرٍ كـلـيـلـه
ويقول لا ترقد تـرى الوضـع حسـاس=الــــبـــــن ســـويـــتــــه وزودة هـــيـــلــــه
ابيك فـي موضـوع تطـرب لـه النـاس=وانــتـــه خــبــيــر ولـلـمـعـانــي دلــيــلــه
يـا هاجسـي حييـت وابـشـر بنـومـاس=الـعـلــم وصــــل ومـنـعـتــه مسـتـحـيـلـه
اهـل الجزيـره سلمـهـا جــود والـبـاس=والـحـفــل لا يـمـكــن يـنـقــص بـكـيـلــه
امعزب الضيفان مـن خـوف يحتـاس=ايـــدبـــل الـــواجـــب وعــــــذره قـلــيــلــه
حواشـي وخـرفـان وتـيـوس كــم راس=واصحونـهـا مـــا جـابـهـا الا التـريـلـه
مـن ينشـده عـن كثرهـا قـال لا بــاس=يـقــول بــــه غــــراف جــاهــز يـشـيـلـه
اطماعـه انـه مــن بعيـديـن الارمــاس=ويبـغـى الـعــرب تـثـنـي بـيــده جـزيـلـه
هـذا ومـن مثلـه وقـع صيـد وسـواس=مــايــدري انــهــا عــنــد ربـــــي ثـقـيـلــه
يــدري لـيـا مــن وقــع بـراسـه الـفـاس=ويــصـــارع الامـــــراض لـيــلــه بـلـيـلــه
ويـدري بنفسـه كــان جـاهـل وهــلاس=ويـرضـى لـيـا مــن قـيـل لــه ياحلـيـلـه
ياهاجسـي بالعلـم هــذ اقـطـع الـيـاس=الـخـيــر هــــذا خــايــفٍ مــــن رحـيـلــه
بعد االغناء ياخوفتي شوف الافلاس=والـعـافـيــه تــرحـــل وتـلــفــي هــزيــلــه[/poem]