سجين محكوم بالاعدام

[أبووصال]

طبعا هذا سجين محكوم بالاعدام وجالس يتذكر اولاده الصغار:

يالله ياالمعبود منشي الخيالي ...... يالواحد المعبود قسام الارزاق
يافارج الكربات تلطف بحالي ......النوم ماذوقه وفكري به ارهاق
هموم صدري تشتعل به اشعالي ....ومن لهيب الهم يبسن الارياق
البارحه يوم ان خالد طرالي ......يفز قلبي بين الاضلاع مشتاق
ويوم اتذكر طارق اصغر عيالي ....يهل دمعي من على الخد دفاق
ابعيد لكن صورته في خيالي .....والبعد دونه محرقن قلبي احراق
ودعتكم ربي عزيز الجلالي .....اللي حفظ يونس بغبات الاعماق
والله من قلب(ن) همومه ثقالي ....والسجن هد الحيل ماعاد ينطاق
ياما سهرت الليل دايم لحالي ......لين ان نور الشمس يبدى بالاشراق
اقنب قنيب الذيب في راس عالي ......خطر(ن)على روحي تقفي بالافراق
قد قالها بندر بماضي الليالي .....بقبور الاحياء ننتظر يوم الاطلاق
وصلاة ربي عد ماجاء مجالي .....على النبي المصطفى حسن الاخلاق

[دانة الكون]

اقتباس هموم صدري تشتعل به اشعالي ....ومن لهيب الهم يبسن الارياق البارحه يوم ان خالد طرالي ......يفز قلبي بين الاضلاع مشتاق ويوم اتذكر طارق اصغر عيالي ....يهل دمعي من على الخد دفاق ابعيد لكن صورته في خيالي .....والبعد دونه محرقن قلبي احراق ودعتكم ربي عزيز الجلالي .....اللي حفظ يونس بغبات الاعماق

قصيده مؤثره
كل الشكر لك ابو وصال
وسلمت على ما طرحت لنا.
الله يعطيك العافيه.

[شمس الرائدية]

قصيييده مؤثرة
تسلم الآيادي
لكـ تحيتي

[أبووصال]

اقتباس المشاركة الأصلية كتبت بواسطة دانه الكون قصيده مؤثره كل الشكر لك ابو وصال وسلمت على ما طرحت لنا. الله يعطيك العافيه.

شكلك بكيتي لين عضيتي القاع:d حياك ربي

[أبووصال]

اقتباس المشاركة الأصلية كتبت بواسطة شمس الوله قصيييده مؤثرة تسلم الآيادي لكـ تحيتي

حياك شمس

[احبك الوفاء]

ويوم اتذكر طارق اصغر عيالي ....يهل دمعي من على الخد دفاق


معبره ومحزنه الله يجمع بينهم على خير ويفرج عنه