بسم الله الرحمن الرحيم
السلام عليكم ورحمة الله وبركاته
َتِعبت وتْعبت اعماقي وصارت للجفاف علوم
وتوسم قلبي بروضٍ غدا بقل الموارد جاف
تِعبت وتْعبت اشواقي وصارت للحاف هموم
وتمكن قلبي لشخصٍ كتب كل القصايد قاف
تِعبت وتْعبت اوراقي .. وصارت للفياف غيوم
وتناجى قلبي لشيٍ يشوفونه وهو وماشاف
تِعبت وتْعبت حروفي وصارت للصغير حلوم
يشوف الموت بحلومه ويشوف الموبقات صحاف
تِعبت وتْعبت عيوني وصارت للعباير دوم
يحس الدمعه بعيونه وهو في داخله ماخاف
تِعبت وتْعبت انفاسي وصارت تغلق الحلقوم
احس بضيقه تخنقني تقول حروف مده وكاف
تِعبت وتْعبت افكاري وصارت ترجمه وسلوم
وراحت تركض سنين البشاير تحتري الميلاف
تِعبت وتْعبت احمالي وصارت للمذله قوم
شيوخٍ تنصي اكبار المواجع رجوة الرجّاف
تِعبت وتْعبت سنيني وصارت للقدر محتوم
عقب ماكانت سنين الملاحم سكره وعجّاف
تِعبت وتْعبت احداقي وصارت مبتغى للنوم
بعد مانامت عيون الأوادم ترجي الاسلاف
تِعبت وتْعبت اطرافي وصارت تنعرض للسوم
بعد مالاحت بطاري المداين كامله وانصاف
تِعبت وتْعبت الدنيا وقالت يافهد لاتقوم
تذكرت الكلام اللي يضيق بالصدور اضعاف
للشاعر فهد المهوس
المواضيع المتشابهه
َتِعبت وتْعبت اعماقي وصارت للجفاف علوم
العرض العادي
