البارحة تهاوشوا خمس شيبااااااااااااان .....

[أبو فهاد]

السلام عليكم ورحمة الله وبركاته ،،،



يقول الشاعر : مانع الخالد .. سيرت يم شيبان أبي أتعلل .. وصار لي هالموقف الأقشر ... لا يفوووووووووتكم ...


البارحة تهاوشوا خمس شيبان
................................. وكل يبي لحية خويه يشيله

البارحة شاهي وقهوة ودخان
................................. تـناثرت من يوم ولـّـع فتيلة

مطلق ضرب مرضي علشان فرحان
................................. من يوم مرضي قال " هذا حليلة "

أثر البلاء مبطي من الشيخ سلطان
................................. من يوم يوسف بالحرس هو زميله

قلت:أركدوا وقلت:إلعنو كل شيطان
................................. لاتفضحون أرواحكم بالقبيلة

قالوا: نبي الشيطان يلفي بما كان
................................. وإن مالفى الشيطان حنا نجي له

ودقوا على الشرطة وجانا طليحان
................................. عريف .. نفسه حيل عندي ثقيلة

قال : إدخلوا التوقيف .. وقلنا :علشان ؟؟؟
................................. قال : إسكتوا لازم تبيتون ليلة

قلنا : إذكر الله .. قال : أنا اليوم بلشان
................................. أنا هلالي والنصر هو قبيله

بتـنا إلين الصبح ياربعنا بان
................................. وكل يحاول يتصل في كفيلة

طلعت وألعن روحتي يم شيبان
................................. مجنون أسيـّـر يم ناس هبيلة ..!!!



الشاعر : مانع الخالد ...

[فـتـــــــــون]

طلعت وألعن روحتي يم شيبان
................................. مجنون أسيـّـر يم ناس هبيلة ..!!!



لا بس شيبانا

هم الخير والبركه


واسمحلي الهبيل اللي يسخر من شيبانه



عالعموم

يعطيك العافيه

[فهدالقحطاني]

قلنا اذكر الله ...قال ..انا اليوم بلشان

ان هلالي والنصر هو قبيلة


حلوة يابو فهاد قصيدة رائعة بس مالها داعي يسب الشيبان....

[أبو فهاد]

مـُــناي ... فهد القحطاني ...


يا مرحبا والله .. ومروركم أسعدني ... وكنت أتمنى إنكم تستمتعون بالقصيدة أكثر من أي شيء آخر ....



وشيباننا ماقلنا بهم شيء ... كلهم خير وبركة ...


بس



فيه شيبان ماعندهم من العقل الكثير وخبووووول .. مثلهم مثل أي صنف من البشر ... فيه شاب عاقل وشاب رجة ... وفيه بنت عاقلة وعجوز عاقلة .. وبنت وعجوز ماهن صاحيات ... فلذلك لازم نفرق ... والشاعر : مانع الخالد . جاب القصيدة لأن السالفة طريفة ...




هاه فهمتوا وإلا أعيد ...




لا تصيرون مثل غيركم اللي يطلع طلعات ما أدري وشلون هي جاية ...

[ديما]

[align=center]

[glow=FFFFFF]قلت:أركدوا وقلت:إلعنو كل شيطان
................................. لاتفضحون أرواحكم بالقبيلة[/glow]


*

*


صحيح بعض الشيبان فضيحه الله يصلحهم


الله يعطيك العافية أبو فهاد

تسلم ويسلم قلبك

[/align]

[عبدالعزيز الجلعود]

هلا ابو فهاااااد


الشاعر مانع الخالد

انا من المعجبين به

والمتااابعين له

والقصيده هذي
يا أما نه جديد بالحيل

أو قديمه بالحيل........


تحياتي لك

[عبدالله اليامي]

ابو فهاد


يعطيك الف عافيه

وشكله كان عند شيبان راعين بلوت وسواقين خطوط هههههههههههههههههههه


اخوكم

[أبو رائد]

صح لسان الشاعر


والله يعطيك العافية يابوفهاد