هذي خلاصة حالتي عطني خلاصة حالتك

[الدووووخي]

خذني غلا يا أصدق غلا بالوقت الأول والأخير
أبغاك تدرس حالتي أول وأنا أدرس حالتك


حنا نفس واحد .. وروح .. وقلب .. وعيون .. وضمير
عدالتي ظلمك .. وظلمي منتهى عدالتك



يا بدري الطلّة ويا طلّتك يا البدر المنير
ترى خسوف القمر .. بشارة وصول إطلالتك


وإطلالتك عندي أنا .. تعني لي الشي الكثير
لا صارت .. عيوني على خدّك سحآب .. وسالتك


أوقف .. وأسميك الملك .. وشوي أسمّيك .. الأمير
أخاف من سطوة سموّك ... وأحترم جلالتك


حبك كبير ... وبالمقابل .. قدرك بقلبي كبير
إحساسي ب محبتك ... وإحساسي .. ب زمالتك


لا يضيق لك خاطر .. فديتك .. لو يصير اللي يصير
إن كان ما شالتك الأرض .. رموش عيني شالتك


يا أترف مشاعر بالبشر ... يا أرق من لمس الحرير
ساعة زمن ... ممشاك من غرفتك .. حتي صالتك


دلعك يثقل خطوتك .. وأحيان .. يمنعك المسير
وأحيان أشك إن الدلع ... سلالته .. سلالتك


يومك تعض .. شفيفتك .. وإصبعك ل عيوني .. يشير
وتقول هذي مالتي ؟ ... وأقول طبعا مالتك


تقولها.. وأعيش نشوتها .. وأحس الموت أخير
لا شفت موتي بين عقرب صدرك .. وسلسالتك


تدري ؟ لا شفت بيالتك .. بأطراف ثغرك .. تستدير
أضرب على صدري .. وأقول الحظ .. حظ بيالتك


مدام أبوك الناي .. وأمك ضحكة الطفل الغرير
وتصير عمّتك الشطانة .. والشقاوة خآلتك ؟


لازم عليك آغير من نفسك .. وحتي منك آغير
ياللي سمارك .. جامعِِ .. سكر وملح أصالتك


ما طالتك .. يالأسمر الجذآب .. يالملح المثير
عشان لو تطاولك كل البشر ... ما طالتك


فتنتني .. بعيونك الخدرات .. والزول القصير
وحببتني في طيشك ... وحببتني .. جهالتك


ماعاد لي .. سلطة على حالي .. وأنا بيديك أسير
ولا عاد لي حيلِِ يساعدني .. على حيالتك


يا علّني فدوتك من راسك .. إلى إصبعك الصغير
يا كبر بختي .. يوم ناولتك يدي .. ونآلتك


يا أصدق غلا .. وأعذب غلا .. بالوقت الأول .. والاخير
هذي خلاصة حالتي .. عطني خلاصة حالتك

[شمس الرائدية]

.
سلمت على آختيارك ..’’

[الدووووخي]

اقتباس المشاركة الأصلية كتبت بواسطة شمس الرائدية . سلمت على آختيارك ..’’

شكرا لتوااجدك وحضوركــ ..

[شموخيے غير]

يع ــــطيكـ الع ـــافيه ع الطرح

[صانع الإبداع]

..
>>
انتقاء رائع
ألف شكر لك يا مبدع
^_^
..

[الدووووخي]

اقتباس المشاركة الأصلية كتبت بواسطة شموخيے غير يع ــــطيكـ الع ـــافيه ع الطرح

شكرا لتوااجدك وحضووركــ ..

[الدووووخي]

اقتباس المشاركة الأصلية كتبت بواسطة صانع الإبداع .. >> انتقاء رائع ألف شكر لك يا مبدع ^_^ ..

شكرا لتوااجدك وحضووركــ ..

[عاشق القمم]

* شكرا على اختيارك الجميل ..~

[أبو رائد]

اختيار جميل ورائع

سلمت والله يعطيك العافية يا الدوووخي

[بشاش]

[frame="11 98"]
سلمت على موضوعك

<<<<<<<<<>>>>>>>>>
الله يعطيك العافية

[/frame]