..
>>
↓
كم راح من عمري وانا ودي اتوب
ولولا الهوى والنفس كان امس تايب
عشرين عام امني النفس يا ايوب
لين اكتشفت اني مع الوقت شايب
راحت حياتي بين طالب ومطلوب
ولي خاطر(ن) لو طبت ماهوب طايب
واخاف من يوم به الموت مكتوب
لا حولوا بـي بين عوج النصايب
في منـزل مظلم عن الناس محجوب
محجوب حتى عن نسـيم الهبايب
وصار الكفن يايوب يغني عن الثـوب
وفارقت ربعي والاهل والقرايب
ما عاد فيها جاه وأموال وسلوب
ولا عاد فيها حب خشم وطلايب
ولا عاد حولي شمر ولا به حرووب
انا وملائكة الرضاء والعقايب
خدعني التسويف وأغرتني دروب
من يامن الدنيا وغدر النوايب
يالله يا فارج على كل مكروب
يا واحدٍ بامرك تهون المصايب
يا من تقلب بين اصابيعك قـلوب
خلقتها من بين صلب وترايب
يا غافر لمن جالك وكله ذنوب
عبدٍ ضعيف وجاك تايب ونايب
يا رب لو قلبي صخر عندك يذوب
يامن لهيبتك الجبل خر ذايب
اتوب ثم اعود واعود واتوب
مـاهي عجيبه وانت رب العجايب
من المهـد لين اللحد وقتي محسوب
مـا ضاع شي وما بقى شي غايب
يارب مالي غير رحمتك مطلوب
من لي سواك ان جيت يارب تايب
كم راح من عمري وانا ودي اتوب
ولولا الهواء والنفس كـان امس تايب
..
^ _ ^
المواضيع المتشابهه
العرض العادي
