كثره المشيخه والوجاهه

[متواضع]

نلاحظ في الاونه الاخيره كثره من يعشقون الوجاهه والمشيخه الجديده وخصوصا في الخفجي فاناس نعرفهم جيدا فهو ليس وجيها وليس شيخا ولكن سكوت الاهالي وعدم قمع هولاء جعلته ينهمك في حضور المناسبات وعشق الكاميرات امل التعليق من جميع زوار المنتدي

[عبدالعزيز الحاوي]

هلا بالاخ المنضم لنا ويامرحبا به
والله انك صادق بس خلهم يستانسون كلنا عيال قرية كلا عارف أخية
المصيبة من هو جاءي للخفجي وماهو من أهلها ومسوي انه من اهل الخفجي وكاشخ ويتكلم عن اهالي الخفجي ؟؟؟
والثانية اذكر شخص الله يستر علية لحام يلحم توانكي للاهالي وجاء مع من جاء وسواء لة ورشة يشتغل فيها مع عاملين
والشغل ماهو عيب لكن ياشين لبست البشت وجلوسة من ضمن رجال الأعمال والله مسخرة
وتقبل تحياتي

[شمس الرائدية]

,,


حيآك الله ..

هذولآ شآطرين .. يبون يتلزقون في آلشخصيآت << يدرون آن آلحيآة مصآلح و وآسطات


خلهم على رآحتهم دآم آلواحد مآ ورآه مضره .. مآهو عيب يحسس نفسه آنه شخصيه و يلبس آلبشت

.


.

[العطيعط]

عز الله انك صادق يا اخ متواضع وكلام عين الصواب فعلا كثروا وطلعوا اهل هالبشوت وانا الاحظ ذلك فى الخفجى بس وقاموا يطلعون بالجمله شيخ وراء شيخ نسال الله العفو والعافيه يتسابقون على الكاميرات للتصوير عاد ياريت بهم فائده تحياتى لاخى مواضع على ملاحظته

[المسلم المسالم]

السلام عليكم ورحمة الله وبركاته
صبـاح \ مساء الخير للجميع
يعني اول مشاركه لك يا أخينا المتواضع وبهذي الطريقه وهذا الأسلوب ومن اولها نقد غير بناء للأسف الشديد
انا ما اعتب عليك اعتب على إدارة المنتدى من كبيرها إلى صغيرها انهم يسمحون بتنزيل مواضيع تآفهه ومنحطه مع احترامي الشديد لشخصك الكريم
ثاني شي الموضوع متكرر سبق وأحد الأخوان كتب موضوع عن المشيخه ولبس البشوت وما شفنا ولا حصلنا من مثل هذه المواضيع الشيطانيه اي فائده تذكر بل بالعكس مفاسدها اكثر من فوائدها هذا إذا كان اصلن فيها رائحة الفائده.
وانا بوجهة نظري إذا شخص ما يريد ان ينتقد او يعلق على مجموعة اشخاص او فرد واحد من الرجوله ان يضع اسمه لكي ينتقد بوجهه وليس من الرجوله ان يبرز عضلاته خلف شاشة الكمبيوتر ويتبجح بالكلام والقيل والقآل عن خلق الله
يآخي اتركو الناس بحالها اللي يتمشيخ يتمشيخ على نفسه واللي يلبس بشت يلبسه لنفسه وش لنا بكلام النسوان هذا فيه وهذا حط وهذا قال وهذا يترزز عيييييييييييب والله عييييييب اترفعو عن هذي الأمور لأنها ماتزيد الشخص إلا سفاهه وعدم احترام مابين المجتمع.
ارجع وأكرر ياصاحب المنتدى يا ابو رائد ويا مشرفين ويامراقبين ارجو ان تخافو الله ولا تسمحو بتنزيل مثل هذه المواضيع التي تساعد على الشيطان بالدخول بيننا وتجلب الفتن والكراهيه والتفرقه.
وصلى الله على نبينا محمد وعلى آله وصحبه وسلم
سبحانك اللهم وبحمدك اشهد ان لا اله الا انت استغفرك واتوب اليك

[صالح1432]

وعدم قمع هولاء ........ قاسي جدا مع ان اسمك متواضع ... القمع ولى الى غير رجعه ونحن في عصر التفاهم والحوار

[متواضع]

نشكرك اخي المسلم المسالم علي ردك ولكن في مثل يقول اللي علي راسه بطحاء يحسس عليها وشكلك من الشيوخ فكل الشكر لابورائد ومراقبي المنتدي علي تنزليهم الموضوع وصحيح ان هذه اول مشاركه وما جعلني اشارك الا هذا الموضوع وعلي فكره ليش ماتحط اسمك الحقيقي لانك انتقدتني فهذا من الرجوله وانا ماقلت فلان بعيينه ولكن انتفدت ظاهره في المحافظه واذا حبيت اعطيك ايميلي وابلغك من انا وادري انك انت من نفس الفئه لانك زعلت ونشكر مرووووووووووووووور الجميع

[المسلم المسالم]

اقتباس المشاركة الأصلية كتبت بواسطة متواضع نشكرك اخي المسلم المسالم علي ردك ولكن في مثل يقول اللي علي راسه بطحاء يحسس عليها وشكلك من الشيوخ فكل الشكر لابورائد ومراقبي المنتدي علي تنزليهم الموضوع وصحيح ان هذه اول مشاركه وما جعلني اشارك الا هذا الموضوع وعلي فكره ليش ماتحط اسمك الحقيقي لانك انتقدتني فهذا من الرجوله وانا ماقلت فلان بعيينه ولكن انتفدت ظاهره في المحافظه واذا حبيت اعطيك ايميلي وابلغك من انا وادري انك انت من نفس الفئه لانك زعلت ونشكر مرووووووووووووووور الجميع

لا حولا ولا قوة الا بالله
أخونا يا المتواضع ماقول الا الله يشفيك من المرض اللي فيك
وانصحك تتعالج من المرض النفسي اللي عندك صحيح والله
اتكلم معك جد ماهو سالفة اني ابي آخذ حقي من الكلام اللي انت اتهمنتني فيه لا والله
انت عندك مشكله وعندك نقص وبنفس الوقت عندك صراع داخلي مابين نفسك وبين سلوكك وعدم القناعه بالواقع اللي انت فيه.
فسامحني ياخوي اني احتفظ بالرد على اللي انت كتبته لي
لأني لو اشرح لك وجهة نظري من الموضوع اللي انت كتبته مآراح تقتنع بكلامي أو بلأصح انك راح تقتنع باطنيآ ولكن ظاهريآ انت من النوع اللي تعاند وتآخذك العزة بلإثم
الله يهديك ويصلحك وتترك مراقبة خلق الله عنك وتكتب لنا مواضيع نستفيد منها وتخدم الأمه الإسلاميه.

[متواضع]

اشكر الشيخ الوجيه الاخ المسلم المسالم علي هالنصيحه ولكن انت حساس جدا واثر فيك الموضوع لانك من اللي ذكرناهم فاعرض واجعل النقاش لغيرك جزاك الله خير ونشكر مرورك ياشيخ مسلم يامسالم

[هادي المسردي]

[align=center]

الطرح المفيد ومناقشة الظواهر الجديده الغريبة مطلوب
وليس عيب او خطا مناقشة اي امر في ساحات الرائدية
بل العكس هذا هو المطلوب واحد اهداف الرائدية والقائمين عليها
وانا مع صاحب الموضوع في مناقشة ظاهرة البشوت والكاميرات
ومخجل جدا مايفعله البعض في المناسبات العامة والتسابق على المنصات والتصوير
والمخجل اكثر من ذلك هو الوقوف اما هذه المشكلة بصمت دون تصرف او ايقاف لها
وياليت يكون هناك حل لمثل تلك المشكلة المضحكة ... !!! ؟؟؟؟
واشكر صاحب الموضوع على الطرح المفيد لمشكلة كبيرة فعلا ...
[/align]