سالني عن غلاك الشوق وجاوبه الولـه اهـواه
واكـد خافـقـي يـاشـوق انــا بالحـيـل مجنـونـه
كثـر مامرنـي طيفـه وصـاح الـشـوق بــي اواه
كثـر ماتسهـر عيـونـي تنـاجـي اللـيـل لعيـونـه
احبـه تشـهـد حـروفـي وشـعـرٍ واضــحٍ معـنـاه
احبـه كيـف مــا ادري وروحــي فـيـه مفتـونـه
الا يـاشـوق لــو تــدري بـحـبٍ خافـقـي أخـفـاه
عن عيون العرب خايف يوصل سمع مضنونـه
تصدق لو ابحكيلك عن احساس الهوى ومعناه
تهـزك دمعـة عيونـي وجـرح القـلـب وطعـونـه
انــا يـاشـوق يذبحـنـي حنيـنـي والـولـه ويــاه
ولو غاب الغلا ياشوق اشوف الموت من دونه
احـس النـار تحرقنـي الامـن جـاب احـد طريـاه
بصمـت اتنهـد بـسـري عــن الـعـذال يوحـونـه
اخاف اليا درى عاذل عن الـي بالحشـى ارعـاه
يبّـعـد بيـنـي وبيـنـه وامـــوت بـنــار مغـبـونـه
اضـم السـر فـي قلبـي ولامـن جـا يبـوح انهـاه
وخوفي لا يثور الشوق ويفضي القلب مكنونه
المواضيع المتشابهه
سالني عن غلاك الشوق وجاوبه الولـه اهـواه
العرض العادي
