لو نبوح بشوقنا ما هي غرابة !
الغرابة نكتم الشوق الحنونْ !
من يداري لهفته ساعةْ كتابةْ
أشهد إنه قبلْ ما يكتب يخونْ
يحسبوني عاشقْ وشعري سحابةْ
والمطر حزني وتحناني مزونْ
ويشهد الله ما بقى غير الكآبةْ
أنثر دموعي وما عندي عيون ..!
لهفتي دمعة وتذكاري ربابةْ
كل ما جرَّيتها تبكي اللحونْ
يا فتون الشعر فعيونك مهابةْ
أتخطَّاها وأهيم بها الفتونْ ..!!
ذنبي إني شاعرٍ ينثر عذابه
بين صمته وانكسارات السكونْ
ضحكتك جنَّة ولهفتك استجابه !
وانتظارك خوف وأحلامك ظنونْ !
الشجن كله على شانك غدابه
لين قلتله : ( تكون وما تكون ) ..!
والبنات بصفحته صوت ابتدابه
يوم غنَّابه لقاهم يرقصونْ ...!!!
بس وحدك شمسه اللي ما تجابه !
لا ظهرت كلهم يب يختفونْ !!
وانت اللي تعرف اننا نتشابه
نختلف عنهم .. ويجمعنا الجنونْ
لو نبوح بشوقنا ماهي غرابةْ !
الغرابةْ .. نكتم الشوق الحنونْ ..!!!
المواضيع المتشابهه
العرض العادي
