[ ..إخذيني .. ]
إخذيني إليا عجبتك بس رديني
وإن ما عجبتك خلاص اخذيني
مابيني مدامني شفت فيك الطهر والعفه
بعيف نفسي ليا منك كرهتيني
اخذيني لو اعتبر من ضمن اشيائك
وانا بحبك ولا لازم تحبيني
لا ابي علاقه ولا ابي نظره و بسمه
إحساسي اني بقربك بس يكفيني
لو اني انضفت الى اشيائك غصب عنك
طلي علي ياغناتي لا تخليني
تراي لا جاء المصامد ماني بهين
تقول كل العرب لعبه بيديني
شخصيتي من غرابتها وطيبتها
كن الزمن في تحدي بينه وبيني
اخذيني الشاعر الي ما صدق حظه
لا قلت يا حظ وينك قال يا ويني
اخذيني المبدع المتفلسف التحفه
مؤمن و تضحك على العالم شياطيني
شهرة سكسبير وأفلاطون ونيوتن
لاقلتلي بيت شعر تطيح من عيني
واخذيني العنصر الي صدق متعنصر
من دون ربعي لو اقطع شرايني
واخذيني اللي ليامنه طلب يعطى
وتكفين ليا من طلبتك لا ترديني
تكفين يا غايتي يا بهجت الدنيا
ابحرق قلوب ناس ما تدانيني
اخذيني بكل شوق وقولي احبه
وان شككو فيك ولا في ضميني
قولي سعد والله انه غالي جدآ
ويا جعله فدوة شبابي واخر سنيني
وانا بصدق كلامك وأعتنز بالله
وبقول لناس ما يعنيك يعنيني
وانا علي نذر ما ارخص جيتك
وانتي نذر على رقبتك انك ما تخليني
المواضيع المتشابهه
العرض العادي
