القصيدة في جريدة اليوم
http://www.alyaum.com/article/4015654
امجاد قايد
توكلت وعلى الله التوكل بعد ماسميت
له الحمد وله الشكر ونعيمه في مخاليقه
على مبدا يدوم الجزل ترك الهزل بيت وبيت
مفاتيح التمكن بالشعر تفتح مغاليقه
اخذت إلّي انطلاقه في مساحة فكر رحت وجيت
مفاهيمي تحدد حالة السلوان والضيقه
تمعنت وجمعت امجاد قايد بس ماوفيت
على يومٍ مخلد للوطن ماضاع توثيقه
حكم عبدالعزيز وثبّت اركان الوطن تثبيت
على نهج الشريعه في كتاب الله وتصديقه
رفع رايه هدفها جمع شمل ويمنع التشتيت
شهر حرٍ على شبه الجزيره طاب تحليقه
قبل يستخرجون الغاز من عمق البحر والزيت
على ظهور الأصايل والولي سهلْ توافيقه
وجاء بعده عياله نبتوا روح الوفاء تنبيت
على عرف وعناوين الكرم صاروا مطاليقه
ابومتعب مايتعب واتعب اللي عندهم تلويت
تميّز عهده وقولٍ يقوله بان تطبيقه
وعضيده كل منصب يستلم له فيه بند اعطيت
سلم سلمان في كل الجديد وفي معاتيقه
ولي ولي العهد مقرن كثر ماعدله مااحصيت
عجزت احصي جزالة سيرته في كل تحقيقه
وعلى شرق السعوديه ولد نايف فْعوُل وصيت
سعود اللي فرج حال الضعيف ليّا نشف ريقه
وحنا شعب نشعب للولا بالروح والتصويت
تلاحمنا معظم وانتحيزم ضد تفريقه
نفتت زمرة التخريب عن كل الوطن تفتيت
ونعطي خصمنا درس العذاب ومنه تذويقه
خفافيشٍ على هيئة بشر تحتاج للتفليت
يطيرها هبوب الريح تغريبه وتشريقه
وتمت واهتمامي في ثمين الشعر لاهتميت
تعلا في مسار الغيم معناه وطواريقه
المواضيع المتشابهه
العرض العادي
