{{ // لموا عظامـــــي .. // }} ...... // انا هنا .. يا مدورن .. عني هنااااااكـ ..

[عبدالعزيزالوادي]

[align=center]بسم الله الرحمن الرحيم

:
:
:
:
:




السلام عليكم ورحمة الله وبركاته

:
:
:
:

لانكم متذوقي للشعر .. اتمنى ان ارضي ذائقتكم ..


..


العشق .. حالاته .. صعبه على كل عاشق ..


..
..
..


فـ( لموا عظامـــي )






[poem=font="simplified arabic,5,black,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black"]
لموا عظامي .. لا تقولون : مـا مـات=حي الجسد .. والروح ما عاد بـي روح
بـردان .. غطونـي يكفَـي معـانـات=تلعبي انسام الهـوى .. كلـي جـروح
دام الفرح ساعه .. وللحـزن ساعـات=لا تقربوني .. تالـي الليـل ب(انـوح)
بارسل مع الارياح .. حزني بالاصـوات=عساه يسمعني .. وانا ل(ليلـه) ابـوح
باضغط على جرحي .. وب(اون) ونـات=منهو فقد ملكه .. وموتـه بـدا يلـوح
ول يا زمان الهم .. والغـم .. والهـات=ما به عطى .. ويدين خلق الله اشحـوح
وانا عطيته .. قلب .. واخـذت ويـلات=واليا نشدته .. قال : مقسوم .. ويروح
درب الهوى .. ياقلـب .. كلـه مـذلات=اخضع ونوَخ .. اترك العلم .. مفضـوح
لا والـذي كـوَن .. جميـع السمـاوات=اموت .. مااركع للهوى .. حـر ذابـوح
مهما شكيت البعـد .. باقـول يـا ذات=ذوقي عذابه .. فوحـي دلتـي .. فـوح
ان خان عهده .. كل هالوقـت خونـات=طبع البشر قاسي .. ولاهـو بممـدوح
اثبت على موقفك .. لو ذقـت الآهـات=على الاقل تموت .. ما قيـل : مطـروح
امرض وكابر .. ذلل الحب .. بسكـات=خسران ما والله .. ورى الحب .. مربوح
شفني شكيت الويل .. واردفـه ويـلات=يا سامعي جنب .. لو الصوت مبحـوح
درب الهوى يا فلان .. كلـه مطبـااات=تسلم من الاولى .. على الثانيه تـروح
لموا عظامي .. لا تقولـون مـا مـات=حي الجسد والروح .. ما عاد به روووح [/poem]






..
..



هو يستحقها .. وعلى ما قيل .. من فعل فعله يتحمل نتايجها ..


..



اضحكتني .. وانا اراك هناك تبحث عني .. وانت تعرف مكاني جيدا ..



:
:
:
:



فـــ( لاتغيشم ) وشفني ..



:
:
:
:


[poem=font="simplified arabic,5,black,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black"]
شفني هنا يا مدور(ن) .. عنـي هنـاك !!=تعـرف مكانـي لا اتغيشـم .. او اجيـك
ما ارخصك عندي .. يا مكثَـر خطايـاك=قدرك حشى .. ما لك قـدر عنـد مغليـك
مالـك وجــه .. بمقابـلـي واتـحـداك=لا شفتنـي تاقـف .. وتحكـي واحاكيـك
ما عاد تفـرق عندنـا .. طـول فرقـاك=هـذا الصحيـح وذي .. فعايـل ايـاديـك
ايـه ابتعـد اكثـر .. ابرتـاح وانـسـاك=عهد(ن) علي ما ازعل .. ولا اجيب طاريك
عفناك واللي محيي الـروح .. عفنـاااااك=نرجي العـوض .. والله يخيـب هقاويـك
عسى يجيني واحـد(ن) .. غيـر شـرواك=طبعه وفي .. ومجنـب(ن) كـل مماشيـك
يا قارين حرف القصيـده .. انـا ابغـاك=ترفـع ايدينـك .. بـادعـي الله يهنـيـك
ردد معـي .. اميـن .. يـا عـل يفـداك=منهوم عليه ادعـي .. عسـى الله يخليـك
يا مخطي بحقـي .. عسـى الهـم يبـلاك=وعساك تمـرض .. مـا تلاقـي مداويـك
وعسى المصايب .. كلهـا اليـوم تغشـاك=تعمـى عيونـك .. والرفـاقـه تعـاديـك
كله سبب .. جـرح(ن) جرحتـه بيمنـاك=وانهيـت حبـك .. والمشاعـر تنـاديـك
كنت اعشقك واغليك .. بالحيل انا اهـواك=واليوم انا كارهك .. وش حببـن فيـك ؟؟
اخطيـت فـي حبـك .. وبانـت نوايـاك=سودا مثل فعلـك .. عسـى الله يجازيـك
عفنااااك واللي محيي الـروح .. عفنـاااك=نرجـي العـوض .. والله يحطـم امانيـك [/poem]


:
:
:
:
:







:
:
:



اقبلوا حبي لكم



:
:


عبدالعزيز الوادي //


:
:


[/align]