[CENTER][B][FONT=Arial][SIZE=5]
الـى متـى وعيونـي اتـلـد بــي غــرب
على مغيـب الشمـس وادهامـة الليـل
اطـــرد وراء شـــيٍ تـبـاعـد ولا قــــرب
وهذي ثلاث اسنين والحمل به ميل
ياهاجسـي تكفـى تـدور لــي الــدرب
وابـشـر بـنـا فــي شـبـة الـنــار والـهـيـل
نويت اسـوي هدنـة واوقـف الحـرب
وابدابـهـا فــي سـلـم واقــدم الـحـيـل
وعوج الرقـاب العـوص يبغالهـا ضـرب
لين انها تزبن على الجدي واسهيـل
العيـس يــا جـمـال لا تـقـرب الـجـرب
عــود بـهـا خـيـره ولــو هـــي مقـابـيـل
مــعــاد يـهـنـانـي طــعـــام ٍ ولا شـــــرب
وكـفٍ بلـيـا اعـصـاب مـعـاد بــه حـيـل
وش حيلة اللي عايـش الـه مـع غـرب
ولاضاق صدره جـر صـوت المواويـل
والنـاس مـن حولـه علـى بالهـا طـرب
مـاتــدري انــــه ذاق مــــر وغـرابـيــل
يالله يــا فــارج عـلـى عـبـدك الـكـرب
يـا مرسـلٍ طيـرك علـى صحبـة الفـيـل
انـك تصفـي الجـو مــن غـثـه الـتـرب
وتجـود يــا رحـمـن بالغـيـث والسـيـل [/SIZE][/FONT][/B][/CENTER]