[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
من ديرة الويلان شديـت عانـي=اسابق الساعـه واعـد الثوانـي
متوجهن قصدي لمنهـو دعانـي=من ساس شمّر كاسبين الجزيـلات
****
رجل لـه المعـروف اول وتالـي=يعطى ولاهـو للعطايـا بسالـي
انا اشهد انـه يستحـق المعالـي=وعاداتهم شمّر تنـول الطويـلات
****
اقولها صادق ومن قلـب صافـي=للصاحب اللي يستحق القوافـي
فهد ابـو حاتـم كريـم ووافـي=عساك تسلم يا جزيل العطيـات
****
والفعل والله فعلكم يالسناعيـس=عدوكم يشبع هموم وهواجيـس
يومنها كانت علي الضمر العيس=اليوم شفها مثبتـه بالسجـلات
****
وانا من الويلان من ساس وايـل=قبيلـة بالفعـل تصنـع هوايـل
صغيرنـا ينطـح لحالـه قبايـل=وايل و وايل مثبت بالبطـولات
****
وأختامها ياصاحبي بأطلبك شـي=وخابرك توفي بالعهد يابعد حـي
تزورني في منزلي والشـرف لـي=ودامت لك الدنيا فروح ومسرات
****
[/poem]