[poem=font="Simplified Arabic,5,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أنا المجنون في وقتي وحالي حيـل متـردي=أعاند حظي الملعون وناري تعـزف ألحانـه
على جدار الهوى أكتب حروف وتنكتب ضدي=في حارة عشق مهدومه وتوحش حيل بأركانه
ووقتي هو فتى الحارة تقصدني أنـا وحـدي=تسلطن فيه كل الظلم وتفشى ظلـم سلطانـه
هربت أركب سفينة حب وأمواجي على قدي=يلطمني بحر حبي ولا أدري ويـن شطئانـه
وأثاري الوقت غرقها ولاعاد الحب لي وحدي=ماشفت إلا هموم الحب يعين الوقت طوفانـه
ورجعت لحارتي أبكي شراع الحب في يـدي=ويطالع بي فتى الحارة يكشـر لـي بنيبانـه
ألا ياوقـت ياسلطـة الا ياخصمـي يانـدي=تشوه عالمي المسكين تشمت فيني عدوانـه
ولكن لا ياوقتي وصلت بصبري إلـى حـدي=أبي اصمد وأعتنز بالله وأقاوم ظلم شيطانـه
صحيح إنك تجرحني وأثر دمعي وسم خـدي=وصحيح إن حارتنا تخبـي خلـف جدرانـه
صور واقعها لي مجنون وذكرى صعب بتعدي=بشاعة ذكرها والله يشيـب رؤوس ولدانـه
قسم بالله لا ماأحب وعن العشـاق لاأصـدي=لو إن الشوق يدعيني بردد صـوت حرمانـه
ألا ياريـح ضمينـي ألا ياريـح تشـتـدي=عساك بشدتك يا ريح تردي سيـف طغيانـه
بحاول أنسى هالصورة إذا نسيانهـا يجـدي=بحاول أنسى ذكراها وأدري صعـب نسيانـه
[/poem]