[poem="font="Simplified Arabic,5,#000000,bold,normal" bkcolor="#FFFFFF" bkimage="" border="none,4,#400000" shadow="1" type=2 line=0 align=center use=ex num="0,#400000""]
ياما نصحت القلب لاشك مـا فـاد=عيـا يطاوعنـي ولينـه غدابـه
بيني وبينه والفكر حرب واجهـاد=وياما اختلفنا كيف وصف السحابه
القلب طيب لكـن الشـر لـه زاد=واصبحت انا والفكر لجله غلابـه
لاشفت انـا بـراق يتـلاه رعـاد=والذيب الامعط قام يضرس بنابـه
اقول يالقلب المحاصـر بالاوغـاد=ان طعتنـي ولا العشـاء لذيابـه
اقفت سنين العمر والقلـب منقـاد=متوهم الاوغـاد ترضـي جنابـه
يافكر ساعدني على القلب وش عاد=ماباقـيٍ بالعمـر شـيٍ مشـابـه
معـاد يهنانـي شــرابٍ ولا زاد=ياقلـب عدوانـك تسـن الحرابـه
نار البعيد ارحم ولا جنـت ابـراد=مالي بصدر وقلـب مابـه رحابـه
ياقلب منت بلاقـي ٍ عنـك نشـاد=لا مت ياكثـر الغـزوا والنهابـه
تلقاء علومك طيبه عنـد الاجـواد=اما الردي بيقـول رزقـه هبابـه
بيني وبينك تالـي العـام ميعـاد=وبعلمـك ياقلـب ويـن العصابـه[/poem]